Indikasyon sa senyales sa problemadong ilok (2)
MGA HIMSOG NGA KASAYURAN - Pons Abatayo (Banat) - January 12, 2019 - 12:00am

Aduna say posibilidad nga ang ilok mangatol, gumikan sa gigamit nga blade o razor, o kaha sa binaghiran sa grano sa sinina. Basin sab ang nakaingon ang reaksyon sa cream o allergy sa gipahid nga ‘anti-persperant’. Mahimo sab ang hinungdan, nga dunay eskwater nga organismo o mikrobyo nga namuyo sa ilok.

 

* Libagha o labhag (rashes) – Kanunay kini labi na nakabantang ka kanunay sa init sa adlaw o bisan sa landong nga alimuot ang palibot. Hamugaway kaayo nga luklokan ang ilok sa mga fungus o bugais (yeasts) nga organismo (fungal diseases). Malisud ni maila dayon kun unsa kini, busa ipatan-aw dayon sa doktor.

* Panakit (pain) – Ayaw kabalaka ini, kay wala ni magkinahanglan nga iadto dayon sa doktor. Ang posibilidad sa mga hinungdan niini, kalagmitan resulta kini sa pamaol o pamikog gumikan sa grabeng kahago sa pakusog nga aktibidad. Labi na sa pagpang-alsa og bug-at, apan kon makarelaks na, mawala ra sab kini dayon.

Ingkaso magpabilin nga masinati mo ang panakit, bisa’g panagsa ra motukar, senyales na kini sa indikasyon nga nagsugod na sa pagporma ang tumors sa ‘lymph nodes (lusay). Dinhi na angay nga ipatan-aw og espesyalista nga doktor.

* Bugol (lumps) – Ang lusay (lymph nodes) tua ni ilawom sa lawas nga dili mahinol, apan kun motumaw sa ilok ang bugol (lumps), unya mamula ayaw ni pisila kay mga bakterya kining nakigbuno nga santaon ang impeksyons o kanser. Apan kun molanat nag semana nga naa gihapon, iadto na sa doktor aron maklaro.

* Grabeng panington (excessive sweating) – Ang senyales nga grabe panington, natural kini sa lawas nga naugtas sa pisikal nga kahago. Apan wala kay gibuhat unya nanubod nga mura ka’g naligo sa imong singot, lain nga senyales ning indikasyon sa menopause, diabetes, gout ug artraytis. Busa iadto dayon nig doctor.

PROBLEMADONG ILOK
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

SIGN IN
or sign in with