Dear Atty. Divine,
Duna koy pangutana labot sa akong house and lot nga gusto unta nako nga ibalhin sa pangan sa akong anak. Napalit ko ni last year ug plano man gud nako this year nga magminyo sa akong boyfriend nga foreigner.
Duna koy anak sa pagkadalaga ug mao unta kini ang akong hatagan sa property.
Unsay angayan nako nga buhaton aron ma-transfer sa iyang pangan ang property? Daghang salamat.
Anita
* * *
Dear Anita,
Kun gusto nimong i-transfer ang ownership sa property ngadto sa imong anak, mo execute ka og Deed of Donation in favor kaniya ug kinahanglan sab nga dunay acceptance sa imong anak pinaagi sa iyang pagpirma sa dokumento.
Human niini, imong ipa-compute sa BIR ang donor’s tax ug bayran kini.
Ang BIR dunay listahan sa mga gikinahanglan nga dokumento alang sa pag-process sa Certificate Authorizing Registration or CAR busa mas maayo nga mangayo mo niini.
Kun aduna nay i-release nga CAR ang BIR after sa inyong pagbayad sa donors tax mamahimo nang i-transfer ang tax declaration ug ang title sa property ngadto sa name sa imong anak.
Thanks and God bless.
Atty. Divine
* * *
Alang sa inyong pangutana, ipadala lang sa Legal Corner sa Banat News sa V. Gullas St., Cebu City or email sa flores_divina@yahoo.com ug akong tubagon ang inyong pangutana pinaagi sa akong column matag Miyerkules, Sabado ug Domingo.