Kasabotan sa panagbuwag sa magtiayon dili balido

Dear Atty. Divine,

Duna koy pangutana labot sa akong sitwasyon karon, minyo ko ug wa koy anak ug nagbuwag na mi sa akong bana duha ka tuig na ang nakalabay. Duna na siyay laing kapuyo ug duna na gani silay anak. Naa na sad koy live in partner ug buntis ko pagkakaron. Wa na mi hilabtanay sa usa’g usa apan gusto unta nako nga duna mi pirmahan nga kasabutan labot niana, ang akong pangutana kun legal ba ang maong kasabutan? Daghang salamat.— Jessica

Dear Jessica,

Ang kaminyuon usa ka special contract, buot ipasabot nga dili kini mag-agad sa terms and conditions sa both parties, in other words, dili kini mamahimong putlon pinaagi lang sa sabot sa magtiayon. Way laing makaputol sa kaminyuon kondili ang korte lang pinaagi sa Annulment of marriage. Sa ato pa, dili valid ang bisan unsa ninyong kasabutan nga pirmahan uban sa imong bana. Kun gusto ka nga mamahimo gyud nga legal ang inyong panagbuwag then  kinahanglan gyud ka nga modangop sa korte but you need to consult your lawyer first aron iyang matun-an kun duna ba kay ground sa pag-file og Annulment of marriage. Thanks and God bless. —Atty. Divine

* * *

Alang sa inyong pangutana, ipadala lang sa Legal Corner sa Banat News sa V. Gullas St., Cebu City or email sa [email protected] ug akong tubagon ang inyong pangutana pinaagi sa akong column matag Miyerkules, Sabado ug Domingo.