Balik sa naandam
Daghan nato ang magdali aron makakuha og mas daghang ani apan sa tanto natong pagdalidali napakyas kita kay mas hinay hinuon ang dagan niini. Ingon ini usab ang relasyon.
Dili maayo nga atong higugmaon ang tawo o matang sa kinabuhi hangtud nga kini atong mailhan sa hingpit.
Kay diha unya sa atong pagdalidali mahimong mailad kita sa silaw sa giisip natong bulawan apan usa lamang diay ka dakong bronse.
Ang pagbalik sa naandan diin gipahimug-atan nato ang ang kinabuhing personal kaysa kinabuhing birtwal dako kaayo og kahimoan sa pag-angkon nga bililhon diay ang presensiya kun itandi sa bisan unsang computer lamang.
Tinuod mas dali ug paspas ang tanan gumikan sa teknolohiya apan ang pangutana nahimong mas suod ba kita sa usa’g usa, o taphaw lamang ang atong pag-ila?
- Latest