Didto kuno sa Cordova sa nasud sa Espanya dunay hermitage ang mga Carmelite Fathers. Nahimutang kini sa usa ka bungtod. Sa ubos niini adunay kalabera ilawom sa krus. Dunay nasulat niini.
Ang kalabera nakigkukabildo. Kun motan-aw kita sa maong kalabera, ang kalabera moingon: “Sa akong pagtan-aw nimo ingon ana ko kaniadto ug sa imong pagtan-aw kanako (kalabera) ingon ini imong padulngan. Kun kini pa lang unta ang hunahuna sa tanan wala untay magpakasala.!” Kini mao ang kamatuoran nga angayan natong pamalandongan. Hapit na ang Pasko sa Pagkatawo sa atong Ginoo ug sa atong paghunahuna sa atong tagsa tagsa ka mga kalabera puhon mao unta kini ang magdasig kanato sa paghunahuna nga mas mahinungdanon diay ang kalambigitang tawhanon kaysa bisan unsang butang kalibutanon.