Pwede bang palansaron ang may kasong pending?
JAV, BANATI! - Javier Tapulado (Banat) - November 18, 2018 - 12:00am

Isip empleyado kanhi sa USC Registrar’s Office, sayod gyud ko nga ang maong opisina mangayo gyud og Certificate of Good Moral Character kutob sa estudyante nga mo-enroll gikan man sa high school o college transferee. Kini aron pagsiguro nga sa liboan nga nagtungha, walay itom karnerong nahisagol.

Ang unibersidad dili gyud magpanuko pag-expell sa mga estudyanteng nakabuhat og dakong salaod. Busa, aduna gyud kiniy Student Affairs Office ug University Counselor nga mogiya sa mga nahisalaag tinun-an sa hustong dalan paingon sa tam-is nga kalamposan.

Tungod sa mga University Rules and Regulations, diin ang kabililhon sa moral values mao gyuy gitudlo ug gipatuman sa mga administrador, nakaani og taas nga respeto sa tibuok kalibotan ang maong eskuylahan.

Ang ato kahang COMELEC dinhi sa Pilipinas, nakadawat ba kaha usab og samang respeto all over the world? Naghimo ba kinig patakaran nga kadto rang mga tawong limpyo  ang rekord ang mahatag’ag Certificate of Candidacy? Giagi ba nila’g ayagan ang tanang gustong mokandidato aron ang mga daotag taras maharangan ug malain sa mga tarong ug buotan?

Makatabang baya ni’g dako. Hunahunaa lang, kon pulos mga anghel ang magkaatbang sa pagpapili panahon sa eleksiyon, bisa’g kinsa nila ang modaog, walay angay kabalak-an ang katawhan. Kay sigurado gayod nga ang mamahimong lider dinhi sa Pilipinas, maki-Diyos. Busa, tugob sa kamahigugmaon sa kalinaw ug katarong. Ug labaw sa tanan, dili sila maoy magpasilbe, kondili sila maoy mosilbe subay sa kabubut-on sa Ginoo.

Apan subo kaayo palandungon. Nga kon kinsa tong kusog mamalit og botos, maayo kaayo modaot sa ilang kaatbang ug naglunang sa pool of immoral values, sagad mao pa hinuoy midaog!

Pastilan, COMELEC, giunsa man intawon ni ninyo pag-screen, uy! Na’ay, tan-awa ra gud. Si Atty. Edgar Gica ug Bise-Gobernador Magpale miduso na hinuon og petisyon sa inyong buhatan, naghangyo nga ipakanselar ang COC ni Kongresista Gwen. Ngano man ni? Pwede ra ba diay molansar ang kandidato nga aduna pay kasong pending? Ikaduha, dili kaha malain si Kongresista Gwen kon inyong ikanselar ang unsa nay naaprobahan ninyo?

Please, pasabta mi. Buwahan, kaming walay alamag bahin niini, mahayagan ang naglibog nga hunahuna.

 

 

PALANSARON
Philstar
  • Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

SIGN IN
or sign in with