Dunay illegitimate children ang pakaslan

Dear Atty. Divine:

Duna koy live-in partner ug plano ming magpakasal. Apan duna ni siyay duha ka illegitimate children apan wa siya nagsuporta ug ang custody sa mga bata naa sa ilang mga inahan.

Ang akong mga kauban sa trabaho miingon nga tungod kay way stable job ang akong live-in partner hayan akoy ma-obligar sa pagsuporta sa iyang mga anak.

Ang akong pangutana kon maobligar ba ko pagsuporta sa mga anak sa akong bana kon magpakasal na mi? Daghang salamat.

Julie

* * *

Ang imong live-in partner obligado nga mosuporta sa iyang mga anak base sa balaod. Ang financial support magdepende sa need sa mga bata ug magdepende sab sa capacity sa amahan.

Kon magpakasal mo sa imong live-in partner wa kana magpasabot nga maapil ka sa iyang obligasyon. Ang financial support dapat adto kuhaon sa income sa imong bana ug dili sa imong income kay wa man kay labot sa iyang obligasyon sa iyang mga anak.

Thanks and God bless.

Atty. Divine

* * *

Alang sa inyong pangutana ipadala lang sa Legal Corner sa Banat News sa V. Gullas St., Cebu City or email sa [email protected] ug akong tubagon ang inyong pangutana pinaagi sa akong  column matag Miyerkules, Sabado ug Domingo.