Mao kini ang bation sa usa ka amahan labina kon magpaabot siya nga manganak na ang iyang asawa. Asa kaha maliwat ang iyang anak? Ug kon mahimugso na kini bation niya ang tumang kalipay.
Sama pud niini ang pagkahimugso sa usa ka katilingban nga human sa daghang mga hitabo, kalisdanan ug uban pa mamahimong mas makahuloganon kon moabot na kita sa atong gilantaw ug gidamgo nga sinugdanan.
Sinugdanan, kay ang kinabuhi magsugod gyud sa pagkahimugso maingon nga ang matag organisasyon magsugod gyud og initiation. Mas maayo nga anaa kanunay ang excitement kay pinaagi lamang niini mabatonan nato ang kaikag nga molihok aron mabuhi ug makahatag og kinabuhi ngadto sa uban.