CEBU, Philippines – Pipila ka eskwelahan sa Dakbayan sa Naga nga gihimong evacuation center ang magsugod na sa ilang klase karong adlawa.
Kini sama sa Naalad Elementary School, Langtad Elementary School ug NPC Colon Elementary School.
Ang ubang dagku nga eskwelahan nga gigamit isip evacuation center ang magsugod na sab sa ilang klase karong Lunes.
Matud ni Gregorio Cyrus Elejorde, Schools Division Superintendent sa Dakbayan sa Naga, nga dul-an sa 12,000 ka tinun-an ang apektado sa ilang pagtuon.
Gawas sa pagklase sa mga tinun-an, may giandam sab nga mga kalihukan alang sa mga ginikanan isip pagtabang kanila. (/GMR)(BANAT NEWS)