Dili tiaw ang gibati kong kaguol sa dihang nasayran ko nga ang atong mga kaigsuonan sa Naga ang nahimong mga biktima sa landslide didto.
Nahimong garboso ang bukid ug ang maong kagarboso midahunog ug milubong sa daghang mga tawo nga tingali hinanok sa ilang pagkatulog ug nagdamgo nga malinawon alang sa ilang kaugmaon apan sakit palandungon kay dili na sila kaugmaan. Nanggawas dayon ang mga pagmahay ug pagbinasolay. Apan sa akong tan-aw usa ra ang mensahe niini ug angay lamang nga atong hinuklogan.
Kini nagpasabot nga kon atong hilabtan ug daug-daugon ang kinaiyahan moabot ang panahon nga kini mobawos ug kita ang mamahimong mga alaot.