Luwason sa Ginoo ang nangayo’g pasaylo
JAV BANATI - Javier Yntig Tapulado (Banat) - August 17, 2018 - 12:00am

Niay gipaambit nga estorya si Boss Fil Domugho, higala kong manedyer, bahin sa usa ka dato kaayong negosyante, kinsa usa kuno ka drug lord. Daw hari ang maong tawo. Kay gikan sa CAFGU ngadto sa pipila ka heneral sa military, iyahang protektor.

Ang asawa sa maong drug lord, relihiyosa kaayo ug sobra ka buotan. Pirmeng agnihon iyang bana nga mohunong na sa pagtumpitumpi og bahandi ug salapi pinaagi sa pagpadayo’g negosyo og shabu kay makaguba kini sa kaugmaon sa kabatan-onan. Apan ang mga pulong sa Diyos nga iyang ipabuhagay panahon sa ilang panagdulog mapunta lang kanunay sa siradong kasingkasing.

Unya usa ka adlaw niana, gi-ambush iyang bana sa  riding- in-tandem ug dihadiha, namatay!

Gikaguol sa asawa ang  hitabo.  Gihigugma niya pag-ayo iyang kapikas. Ug di siya gusto nga mawala kini. Sanglit, segurado man siya nga maimpiyerno ang bana, gusto niya kining apason. Tuod man, milunang pud siya sa lapok sa kasal-anan.

Pagkamatay sa asawa, kinsa gi-ambushed sab sa nag-riding-in-tandem,  napunta siya sa impiyerno. Nahibulong siya.  Kay wala man didto iyang bana? Lakip na sa listahan ni Satanas, wala!

Mao kadto nga langit na poy iyang giadto. Sa ganghaan pa lang, gisugat siya ni San Pedro ug gibabagan. Mihangyo siya ni San Pedro kon pwede bang molili siya  sa sulod.

Gitugotan! Ug pwerteng kurata sa asawa kay pagkaabli sa palid maoy misugat sa iyang panan-aw ang malipayon niyang bana.

Nangutana siya  kon unsang hitaboa nga nahalangit man iyang bana? Simple ra ang tubag sa iyang kapikas: “Abi nimo, sweetheart, sa wala pa ako mamatay, sa dihang may diyutay pang hangin ang nahabilin sa akong pagginhawa,  mihilak ko ug kinasingkasing nga nangayo’g pasaylo sa Ginoo, nga unta iya kong pasayloon sa tanang sala kong nabuhat .”

Pagkanindot sa mensahe nga gidala sa maong kasinatian. Nagpasabot lang nga ang Ginoo wala moanhi alang sa mga buotan. Kondili,  para sa mga makasasala, diin bisa’g anaa na sa hilit sa kamatayon, basta kinasingkasing lang mangayo’g pasaylo, iya gyung pasayloon ug hatagan sa kaluwasan nga mao ang kinabuhing dayon.  Mga pasaway sa katilingban, panahon na nga isurender tanan natong sala sa Ginoo.

 

GINOO
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

SIGN IN
or sign in with