Giingon dinhi nga ang life journey naglangkob og lima ka hugna, o stages: infancy, childhood, adolescence, adulthood ug old age. Atong maisip nga medyo swerte ta tungod kay naagian nato ang tanang stages. Maoy hinungdan nga giawhag kita sa kauban natong mga senior citizens to celebrate life.
Officially, ang old age magsugod sa panuigon nga 60, ug matud pa, ang 60 maoy sinugdanan sa 40, ug ang 80 sinugdanan sa 60. Sa ato pa, kon 60 na ikaw karon, sama ra nga 40 pa ang imong edad, ug kon 80 na, 60 pa ang imong panghunahuna ug panglihoklihok. Lisud no?
Kining mga numero dinhi should not bother us, kay sa ato na nga gibalikbalik dinhi, ang edad is just an attitude of the mind. Ania ra sa atong hunahuna, busa, we are as old or as young as we think we are. Lisud sab no? Matud ni Lourdes Syquia-Bautista: “Old age is a human destiny that has to be accepted. It is tolerable and even pleasurable.” So, despite sa atong edad mahimo nga ma-pleasurable ug ma-enjoyable gihapon ang atong kinabuhi. Nia ra gyud ni nato kon unsaon pagpuyo ang atong kinabuhi.
Mitambag si Lourdes nga kinahanglan magbaton kita’g positive and happy attitude toward life. Atong ipadayon ang pagka-sociable ug dili nato i-isolate ang atong kaugalingon gikan sa kalibutan. Kay matud pa, ang pag-inusara ug ang kanunay nga pakig-uban sa atong kaugalingon lang, kon loneliness, can be devastating.
Usa ka inahan of 12 children nga mibiya na kaniya, mikonsulta sa iyang suod nga pari, misumbong nga nag-inusara na siya. Tubag sa pari: “Don’t be foolish, you are never alone. God is always with you.”
Tinuod, sa ato usahay’ng pag-inusara, makalimot kita nga nakig-uban kanato kanunay ang Ginoo.
Nga ang atong retirement age, mahimo nga atong himoon sa pag-meditate, pag-atone sa atong mga past mistakes and failures, to reconcile with relatives and friends, ug labaw sa tanan, to love more.
Dugang tambag: “Help others as best as you can, avoid losing your temper, be understanding, keep calm and smiling on [certain] occasions. ” Dili man tingali ni lisud buhaton. Gawas kon ang imong pagkasaputon ug pagkamadinumtanon nakagamot na’g maayo sa imong kaugatan.
Aduna kita’y kabalaka nga tingali’g wala na kita kinahanglana, ug nahimo na kitang burden ngadto sa uban. Dili kini tinuod tungod kay generally ug traditionally, ang Filipino family intact ug extended hangtud sa katigulangan.