Dear Atty. Divine,
Ang akong papa duna’y gipalit nga agricultural land sa among probinsya. Aduna siya’y gikuptan nga Deed of Absolute Sale nga pinirmahan sa seller apan dili kini notarize.
Karon, gusto unta namo nga i-transfer na sa pangalan sa among papa ang maong property. Unsa ang una namong buhaton? Magamit ba namo ang Deed of Sale bisan kon dili kini notarize? Daghang salamat. — Yvone
* * *
Dear Yvone,
Ang una ninyo nga buhaton mao ang pagpanotaryo sa Deed of Sale ngadto sa abogado. Kinahanglan nga ang seller ug ang buyer magkuyog sa pagpanotaryo sa dokumento kay mopirma man sab sila sa notarial book sa notary public.
Human niini, una pa niya i-process ang pagbayad og Capital Gains Tax ug Documentary Stamp Tax sa BIR. Kon dili notarize ang Deed of Absolute Sale, dili kini dawaton sa BIR alang sa inyong pagbayad sa Capital Gains Tax.
Gawas pa niini, ang dokumento nga dili notarized magpabilin kining private document, busa dili kini magamit isip ebidensya gawas lang kon imong maprobahan ang due execution niini ug ang authenticity sa maong dokumento.
Busa importante gyud nga panotaryohan ang Deed of Absolute Sale sa property nga napalit sa imong papa.Thanks and God bless.- Atty. Divine
* * *
Alang sa inyong pangutana, ipadala lang sa Legal Corner sa Banat News sa V. Gullas St., Cebu City, o email sa flores_divina@yahoo.com ug akong tubagon ang inyong pangutana pinaagi sa akong column matag Miyerkules, Sabado ug Domingo.