Joseph sa basurahan
LABTIK - Alan Domingo (Banat) - May 11, 2018 - 12:00am

Ginaingon nga kon ang anak mahimong makatalikod sa ginikanan, apan ang inahan dili gyud makahimo sa pagpasipala sa anak nga hinukad gikan sa iyang sabakan.

Apan lahi ang nahitabo sa usa ka masuso nga nakaplagan sa basurahan sa Barangay Umapad, dakbayan sa Mandaue. Dili mahiabot didto ang bata kon wala ilabay. Kinsa man ang wala’y puangod nga mihimo sa ingon?

Numero uno nga suspek mao ang inahan sa anghel, gawas lang seguro og gikawat ang bata dayon gilabay sa dumpsite.

Apan wala may inahan, o kadugo sa bata nga nitaho sa kapolisan nga nawad-an sila og bata. Nagpasabot nga binuhatan kini sa kaugalingon nga inahan sa rason nga siya ra gyud ang nasayod.

Wala’y rason nga pwedeng gamiton aron lang i-justify ang iyang pagpasipala sa bata.

Kon nag-ilaid siya sa kalisud ug dili makabuhi sa bata, iya na lang unta kining gipasagop, o gitugyan sa DSWD imbes nga gipakasama sa basura.

Maayo na lang kay naluwas ang bata gikan sa tinong kamatayon human nga adunay nakakita niini.

Tungod sa kahugaw sa dapit diin nakaplagan ang bata, gi-obserbahan intawon kini tungod sa epekto sa hugaw ngadto sa iyang lawas.

Ang bata ginganlan og Joseph nga gisunod sa patron sa Mandaue City tungod usab kay nakaplagan kini atol sa kapistahan sa patron.

Kon si kinsa man intawon ka nga inahana ka, moabot ang panahon nga sudyaan ka sa imong tanlag kay wala ka masayod nga ang bata nga imong gipakasama sa basura, posibleng makatabang kanimo sa umaabot nga mga adlaw.

Subo palandungon nga adunay panghitabo nga sama niini, apan alang ra sa mga inahan nga nagsakripisyo alang sa mga anak, advance Happy Mother’s Day karong Domingo.

JOSEPH
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

SIGN IN
or sign in with