Pagpamalandong sa Malangkubong kaayohan
Sa panahon sa kuwareswa, human sa badlis ang adlaw nga Biyernes gigahin sa pagpuasa pinaagi sa dili pagkaon og karne . Ang pangutana kinasingkasing ba kaha ang pagbuhat niini o tungod ba kay nabatasan na nato ang paghimo sa ingon.
Ang matuod nga pagpuasa mao ang pag-usab mismo sa mga dili maayo nga mga kinaiya ug mga buhat nga dili iya sa Ginoo. Malisod gayud ang mao nga mga gimbuhaton apan ikahimuot kini sa Ginoo ug lakip na ang atong pamilya ug mga tawo sa atong palibot. Usa kini ka matuod nga sakripisyo nga ato ihalad sa Ginoo.
Ang pangutana , andam ba ka nga mobuhat niini? Hinaut pa unta.