Pagpamalandong sa Malangkubong kaayohan
Gidasig ni Papa Francisco nga ang kumpisalan himoon nga dapit diin anaa ang kalooy ug pasaylo. Ingon man, kinahanglang ipasinati sa tawong makasasala diha sa kumpisalan anaa ang kalooy ug pasaylo. Walay problema kun dili bugtong pasaylo ra. Apan wala kini magpasabot nga walay problema nga nalambigit. Matag sala dunay gibug-aton ug angay lamang nga hatagan kini og igong pagtagad. Kini tungod kay ang sense of sin maoy makapakgang ni bisan kinsa diha sa pag-abuso ug pagbinuang. Ang kumpisalan dili lang garbage can sa sala kun dili kahigayonan usab sa pagmatuod sa atong dakong gugma diha sa pagpuyo sa kinabuhing matinud-anon ngadto sa bisan unsang maayo ug dili sa bisan unsang dautan.