Nindot man gyud unta ang mosalig apan dunay mga higayon nga dunay mga tawo nga dili kasaligan kini tungod kay maayo lang sila sa atubangan apan lain ang ilang binuhatan.
Kini ang hinungdan kon nganong idlas ang pagsalig tungod daghan kanato ang mahimong mokaon og tagam.
Diha sa atong pagpuyo karong mga higayona mahinungdanon kaayo nga atong himoon nga kredible ang atong pagpuyo ug pamatasan aron sa ingon mamahimong dunay kalambigitan ang atong baruganan ingon man ang atong binuhatan.
Kon buot kang saligan, puy-i gyud ang kinabuhi nga masaligon ug maantigong mosalig.