Obligado ba ang lessor nga mobayad sa improvements?
LEGAL CORNER - Atty. Divine Marcial-Flores (Banat) - February 3, 2018 - 12:00am

Dear Atty. Divine,

Nag-abang ko og space para  sa akong negosyo. Tulo ka tuig ang among kontrata sa tag-iya ug mo-end na kini next month. Wa na ko’y plano nga mo-renew kay nakakita ko og laing space nga mas maayo og pwesto.

Ako na nga gi-inform ang lessor nga dili na ko mo-renew. Ang akong pangutana attorney, mao ang kabahin sa mga improvements sa akong giabangan, sama sa cabinets, counter top ug uban pa.

Pwede ba ko nga magpa-refund sa lessor sa akong nagasto? Kon dili siya mobayad, unsa’y angayan nako nga buhaton? Daghang salamat.   — Rica

Dear Rica,

Base sa atong New Civil Code, sa Article 1678, kini nagkanayon nga kon ang lessee dunay gihimo nga mga improvement sa iyang giabangan nga property nga wa maka-alter ug wa makadaot sa property, then inig tapos sa kontrata, ang lessor mahimong mobayad og katunga ngadto sa lessee sa iyang nagasto sa maong improvements.

Apan kon dili mobayad ang lessor, then ang lessee mahimo nga motangtang sa bisan unsang improvements nga iyang gihimo sa property. Busa ang maayo nimong buhaton mao ang pagpakigsulti sa lessor kon andam ba siya nga mobayad og katunga sa imong nagasto sa improvements.

Kon dili siya mobayad, then you as a lessee, dunay option sa pagtangtang sa imong improvements nga gihimo sa property. Thanks and God bless. -Atty. Divine

* * *

Alang sa inyong pangutana ipadala lang sa Legal Corner sa Banat News sa V. Gullas St., Cebu City or email sa flores_divina@yahoo.com ug akong tubagon ang inyong pangutana pinaagi sa akong column matag Miyerkules, Sabado ug Domingo.

Philstar
  • Latest
Latest
Latest
Recommended
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

SIGN IN
or sign in with