Dear Atty. Divine,
Ang akong papa adunay property nga na-inherit gikan sa iyang parents. Ang title sa maong property nabalhin na sa ngalan sa akong papa. Last year, namatay ang akong papa. Patay na sab ang akong mama.
Karon, ang usa sa mga igsuon ni papa nga mao na lang ang nahibiling buhi, gusto man nga mangayo og bahin sa yuta nga gibilin sa akong amahan.
Ang akong pangutana kon entitled ba og share ang igsuon sa akong papa sa gibilin niya nga yuta? Daghang salamat. —Mae
Dear Mae,
Kon ang imong papa namatay nga wa’y gibilin nga Last Will and Testament, then legal or intestate succession ang mahitabo. So, ang mga kabtangan nga iyang gibilin adto mapunta sa iyang mga compulsory heirs.
Ang iyang compulsory heirs, base sa balaod, mao kamong mga anak ug ang legal spouse. Sa ato pa, kamong mga anak maoy angay nga mo-inherit sa yuta sa imong papa.
Ang igsuon sa imong papa, dili entitled og share kay ang collateral relatives, sama sa igsuon, maka-inherit lang kon wa’y mga anak ug spouse nga nahibilin ang namatay, ug kon mga igsuon ra ang nahibilin. Thanks and God bless.- Atty. Divine
Alang sa inyong pangutana, ipadala lang sa Legal Corner sa Banat News sa V. Gullas St., Cebu City or email sa flores_divina@yahoo.com og akong tubagon ang inyong pangutana pinaagi sa akong column matag Miyerkules, Sabado ug Domingo.