Kon maghisgot kita og tagbo nagpasabot kini og panagkita alang sa usa ka tumong. Pangindahay nga tudloan ang si bisan kinsa nga mabuhi pinaagi sa pagtabang sa ilang kaugalingon. Mao kini ang empowerment. Sa laing bahin daghan ang dili buot motabang sa kaugalingon.
Buot nila ang dole out lamang kay kini sayon ug dali. Hinanaling tabang ang gikahinaman apan mahimong di ihapak sa tumong ug hinungdan. Ang mga ginikanan labina kanila nga anaa sa pantawid program ang gidasig aron manginlabot labina sa kalihukan sa tunghaan.Apan daghan sa mga ginikanan ang magdumili bisan gani sa pagkamanggihatagon sa ilang presensiya. Kon panahon sa tinghatag daghan ang maglinya.Kon panahon sa tinglihok daghan ang mawagtang.
Kon palihukon mura og kuto kon pakan-on mura og awto. Hinuon dili tanan kay daghan man pud ang naningkamot nga makahatag sa ilang kaugalingon. Ug alang kanako angay ug matarong lamang nga sila tabangan apan ang mga tawong tapulan angay lamang nga di mahatagan og hustong kahigayonan.