Dear Atty. Divine,
Duna ko’y pangutana labot sa bonus. Matag tuig duna mi 13th Month Pay nga madawat gikan sa among company, apan wala mi hatagi og additional bonus.
Kaniadto kuno, mihatag ang among company og bonus, aside from the 13th Month Pay, apan kalit lang kining gihunong. Pagsulod nako sa company wa na mi katilaw og bonus.
Ang akong pangutana, maka-demand ba kami og bonus sa company gawas sa 13th Month Pay? Daghang salamat. — Loida
Dear Loida,
Ang ubang company nahimo na nga practice ang paghatag og bonus, gawas sa 13th Month Pay matag Pasko.
So kon nahimo na nga practice and tradition sa company ang paghatag sa maong benefit, dili na kini mahimong ihunong sa company.
Apan sa imo nga kaso, sukad sa imong pagsulod sa kompaniya, wa gyud ka katilaw og bonus gawas sa 13th Month Pay, then dili mo maka-demand niini kay ang mandatory lang base sa balaod mao ang 13th Month Pay nga kinahanglan ihatag sa employer ngadto sa iyang kawani, on or before December 24. Thanks and God bless.-Atty. Divine
Alang sa inyong pangutana, ipadala lang sa Legal Corner sa Banat News sa V. Gullas St., Cebu City or email sa flores_divina@yahoo.com ug akong tubagon ang inyong pangutana pinaagi sa akong column matag Miyerkules, Sabado ug Domingo.