Brgy Pajo, Lapu-Lapu City
MR. BARANGAY - Jun Veliganio (Banat) - September 6, 2017 - 4:00pm

“Dili ba kalapasan sa katungod sa mga tawo ang gihimo sa mga polis ug sa among kapitan ang “shame campaign” nila? Naa man gu’y mga gibutangan nila’g marka nga wala intawon maapil sa pagbaligya’g shabu, luoy kaayo ang pamilya kay nauwaw.”

Brgy Bankal, Lapu-Lapu City

“Manawagan kami’g usab sa among mga opisyal sa barangay nga mohimo na unta og aksiyon niining saba kaayo nga videokehan diri sa Sitio Ticgahon kay bisan og kaadlawon na, saba gihapon kaayo. Manghinaot kami nga niining among reklamo karon maaksiyonan na sa among kapitan.”

Brgy Punta Princesa, Cebu City

“Mohangyo ko sa mga polis nga ipa-surveillance og tarong kining among barangay kay naa gihapo’y mga sityo diri nga daghan ang namaligya og shabu. Mura man hinoon og nanggara kining mga pusher kay napasagdan ra man sa mga polis.”

Brgy Tabunok, Talisay City

“Midaghan na sab ang mga mangingilad diri sa merkado publiko sa among barangay gamit ang nagkadaiyang mga paagi. Daghan na kaayong nailad niining mga tawhana, hasta ang mga igpapalit unta’g bugas o sud-an ila pa nga mabiktima.”

Brgy Poblacion, Toledo City

“Mas maayo tingali nga susihon sa kapolisan ug sa taga City Hall kining mga nagbiyahean nga mga tricycle diri sa among lugar kay daghan niini nila wa’y mga prangkisa ug ang ubang driver wa’y mga lisensya. Ang among nakuyawan kay basin og madisgrasya, luoy intawon ang mga pasahero.”

Brgy Catarman, Liloan, Cebu

“Kanus-a man intawon mahuman kining pagtrabaho diri sa taytayan padulong sa Poblacion kay dugay na man kaayo kining gitrabaho, pero hangtod karon wala pa man gihapon humana. Pwerte na hinoong trapika sa highway, labi na sa may Yati kay adto naman moagi ang mga sakyanan.”

Brgy Kawit, Medellin, Cebu

“ Maayo unta og naay ipatuman nga curfew diri sa among barangay kay daghan kaayong mga batan-on ang magsige gihapon og saba-saba bisan og lawom na nga gabii. Mas maayo sab nga naay curfew para wala nay mabiktima nga mga batan-ong babaye sa abuso.”

Brgy Tangke, Talisay City

“Hilom ra lagi ang mga polis diri bahin sa problema sa among lugar sa ilegal nga drugas. Wala na lagi kami kabantay nga naa sila’y dakop diri. Kining among lugar hangtud karon naa pa gihapo’y namaligya og shabu ug suyopanan.”

Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with