Unsaon pagbawi sa property nga gibaligya sa pag-umangkon

Dear Atty. Divine,

Duna ko’y property nga napalit ug titulado na kini under sa akong ngalan. Ang pag-umangkon nako maoy nagtikad niini ug siya maoy akong gisaligan samtang ako nagtrabaho sa gawas. Gipakuptan usab nako niya ang original nga copy sa titulo.

Niadtong miaging buwan miuli ko sa Pilipinas ug sa dihang ako na unta nga kuhaon ang mga dokumento nga gibilin nako sa akong pag-umangkon, nadiskobrehan nako nga iyang gibaligya ang akong property ug iyang gi-forged ang akong signature.

Mahimo ba nako nga mabawi ang akong yuta? Unsay una nakong buhaton? Daghang salamat. — Trishia

 

 Dear Trishia,

Yes, pwede nimong makuha pagbalik ang property nga gibaligya sa imong pag-umangkon nga way pagtugot gikan kanimo. Base sa Article 1409, paragraph 2 sa Civil Code of the Philippines, ang kontrata makonsiderar nga void ug inexistent from the beginning kon kini simulated or fictitious sama sa gibuhat sa imong pag-umangkon nga iyang gi-forged ang signature nimo. Ang forged Deed of Absolute Sale dili kini balido ug mahimo nimong kuhaon pagbalik  ang property pinaagi sa pagdangop sa court.

Ang una nimong buhaton mao ang pagpasaka og complaint for Declaration of Nullity of the Deed of Absolute Sale ug adto kini nimo ipasaka sa Regional Trial Court (RTC) sa dapit diin mahimutang ang property. Ang ground sa imong complaint mao ang simulated o fictitious contract, o Deed of Absolute Sale. Thanks and God bless! – Atty. Divine

* * *

Alang sa inyong pangutana, ipadala lang sa Legal Corner sa Banat News sa V. Gullas St., Cebu City or email sa flores_divina@yahoo.com ug akong tubagon ang inyong pangutana pinaagi sa akong column matag Miyerkules, Sabado ug Domingo.

Show comments