Creative kaayo ang tawo labina kon di na gyud niya gusto ang usa ka pakigkuyog. Ang hingtungdan mao na lang ang mohimo sa pagsabot sa obvious na kaayo nga linihokan ug di maayong tugotan ang kaugalingon nga mamahimong ulipon sa tinuyoang pagkabuta aron lang higugmaon ka sa bakak nga paghigugma.Maingon nga di maayong ipamugos ang imong creativity kuyog sa mga tawong pulpol ug di gani maantigong mopakita sa ilang paghangop sa imong pagsakripisyo alang kanila. Mao nga sa hinay-hinay mas maayo nga ikaw mopahilayo aron gahinan mo og panahon ang imong kaugalingon dili tungod aron ikaw maandam sa paghatag og unsay maayo sa mga tawong imong amomahon kondili alang gyud sa imong kaugalingon. Kon kaniadto work more rest less karon rest more and work less, aron walay enerhiya nga mausik. Walay panahon nga masayang ug labaw sa tanan walay kwarta nga magasto alang sa mga tawong dawat lang og limpiyo ..... mao aron di kaayo mahibaw-an himoan kini sa paagi nga mamugnaon dinuyogan sa pagpahiyom nga di diay matinud-anon.