EDITORYAL - Patay ang mga mag-uuma
EDITORYAL - Patay ang mga mag-uuma
(Banat) - April 24, 2017 - 12:00am

Daghan gyud sigurong mga rice importers ang nanghuyhoy ang mga abaga nunot niining pagpahunong na sa importasyon sa bugas karong mga panahona kay daghan sa ilang shipment ang nangatanggong karon sa mga adwana sa nasud.

Milyones ka pesos nga kantidad sa mga bugas ang naa karon diha sa Cebu International Port ug planong sakmiton human nga matud pa napaso na ang bili sa ilang permits pag-import niini gikan sa Vietnam.

Ang National Food Authority (NFA) maoy gitahasan aron sigurohon nga adunay hustong gidaghanon sa bugas, ug reserbang pagkaon ang katawhang Pilipino.

Ang rason sa importasyon og bugas mao kining kakuwang sa gidaghanon sa ani sa lokal nga mag-uuma. Apan di gyud husto nga bisan ting-ani dinhi mo-import lang gihapon og bugas.

Kay mokompetinsya naman hinuon sa mga mag-uuma nga gihamok nang daan sa mga peste, baha ug huwaw. Gamay na lang baya kaayo ang basakan karon sa Pilipinas tungod sa paspas nga urbanisasyon. Mapugos na lang intawon ang mga mag-uuma pagbaligya sa ilang mga umahan ngadto sa mga land developers kay wa naman puy ayo ang palit sa ilang ani tungod sa kadaghan sa mga imported nga bugas ug barato ang kompra sa rice dealers.

Wa sab sila’y makinarya para masakbangan ang kalidad sa bugas nga imported.

Ang Pilipinas maoy nagtudlo kaniadto sa Vietnam, Thailand ug uban pang rice exporting countries kun unsaon pagpadaghan sa ani.

Apan karon, kita naman hinuon maoy tigpalit sa ilang ani kay ang ato mismong mga mag-uuma wala man hatagi og pagtagad ug proteksyon.

Dugangan pa sa mga kurakot nga opisyales sa gobiyerno nga adto dapig sa mga hakog nga mga rice dealers ug rice smugglers, tabla ra og gitiwasan ang  lokal nga mga mag-uuma.

Busa panawagan diha sa NFA ug Department of Agriculture taronga intawon ninyo ang inyong mga mandato. Kay basin wa nay manguma sa sunod nga panahon ug wa na sad hinuon ni bili nga mga ahensya.

 

IMPORTERS
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with