Kabilin nga wala mabahin
LEGAL CORNER - Atty. Divine Flores (Banat) - May 18, 2016 - 12:00am

Dear Atty. Divine,

Duna ko’y pangutana labot sa property nga gibilin sa among mga ginikanan. Ang akong duha ka igsuon mao ra ang nakapahimus niini kay silang duha anaa man magpuyo sa maong lugar. Ako ug ang akong usa ka igsuon nga tua na magpuyo sa Manila gusto unta nga mangayo sa among share sa maong property. Unsay angayan namo nga buhaton aron makuha namo ang among share? Daghang salamat. -- Lina

* * *

Dear Lina,

Ang una ninyong buhaton mao ang pagpakigsulti sa inyong duha ka igsuon labot sa inyong tinguha pagkuha sa inyong share. Inyong bahinon og kaupat ang kabilin sa inyong mga ginikanan pinaagi sa pag-execute og Extrajudicial Partition.

Lain ninyong option mao ang pagbaligya sa inyong share kun ugaling interesado sab ang usa kanila nga mopalit sa inyong bahin. Kun dili mo magkasinabot, then mahimong adto kamo maghusay sa barangay ug kun di gyud mo magkasinabot, modangop gyud kamo sa korte alang sa judicial partition. Thanks and God bless! - Atty. Divine

* * *

Alang sa inyong pangutana, ipadala lang sa Legal Corner sa Banat News sa V. Gullas St., Cebu City or email sa flores_divina@yahoo.com ug akong tubagon ang inyong pangutana pinaagi sa akong column matag Miyerkules, Sabado ug Domingo.

Pangremedyo sa konstipasyon (1)

Unsa ba kining konstipasyon? Mao ni ang problema sa sistema sa lawas mahitungod sa pagtunaw o paghilis sa atong gipangaon. Daghan ni’g mga hinungdan nga atong kapasanginlan, nga kalagmitan tungod kini sa pag-usab-usab sa klima o sa panahon, kondisyon sa panglawas, patuyang nga naghinubra sa pagkaon nga kulang o wala’y nutreyens nga lanot (fiber) ug uban pa.

Kun modangat ni’g pipila ka adlaw nga ang kinaon mapundo sa tinai ug ang uban nag-ung-ong pa sa kolon, madebelop ang toksik o makahilo nga ‘gastric gas’, nga maoy mopasamot nga mogahi ang hugaw, nga lisud na ikalibang. Mao sab ni hinungdan nga mamudlot ang kibot nga naimpekted sa inutungay o kanang gi-almoranas, gumikan sa kalisud sa pagpagawas sa atong hugaw.

Dili ni matawag nga sakit kondili hasol lang pamation nga dili makatrabahong normal ang sistema sa paghilis. Mosamot kun ikaw permi grabe magpabusog sa kagabhion, maapektahan ang ubang sistema sa lawas. Dili na kinahanglan nga mokaon aron mabusog, kay igo na ang balanse o kompleto sa mga sustansya ang kaonon, nga ginagmay apan kanunay.

Ang normal nga pagpagawas sa hugaw, magdepende kini sa indibiduwal, gikan sa 3ka beses sa adlaw, ngadto na sa 3ka beses sa semana. Sa ato pa, mag-agad usab kini sa disiplina sa hustong istilo sa pagkaon. Apan kun makasinati ta’g ingon aning problemaha, may buhaton kang pangremedyo sa konstipasyon, sama ining mga mosunod;

* Black molasses – gipa-espiso ni’g 3ka beses (concentrated) nga gipabukalan, busa dasok ni’s mga bitamina/minerals, labi na’s magnesium ini, daku ni’g ikatabang sa pagrelibo o paghupay (relieve) sa konstipasyon.  

Mike Dino, Presidential Assistant for the Visayas

Congratulations, Mike Dino sa imong pagka-appoint isip Presidential Assistant for the Visayas.

Kini si Dino maoy nangulo sa Bisaya Napud Movement nga maoy instrument sa makabungog nga kadaugan ni Presidente Digong Duterte dinhi sa Kabisay-an. Uban niya ang “guru” sa social media ug bangiitang PR man nga si Jonji Gonzales sa maong kawsa. Si Dino maoy unang Sugboanon nga gitudlo ni Duterte nga motabang sa iyang administrasyon.

Isip presidential assistant, si Dino maoy taytayan sa kalihukan ni Duterte dinhi sa Kabisay-an.

* * *

Bag-o na og mayor ang siyudad sa Sugbo human gipatuman ang suspensiyon batok ni Mayor Mike Rama, Bise Mayor Edgardo Labella ug mga konsehal.

Daghan ang nakaingon nga sobra ra kaayo kini tungod sa pagtuo nga maniobra kini ni Mayor-elect Tomas Osmeña. Daghan ang nakapangutana nganong wala na lang gyud huwata ang udtong tutok sa Hunyo 30 kanus-a kutob ang termino ni Mike.

Apan daghan ang nakaingon nga kun wala pa maggahigahi og dawat si Mike sa iyang kapildehan sa Mayo 9 nga eleksiyon pagka-mayor, dili tingale siya hilabtan ni Tomas.

Ang suspensiyon batok ni Mike ug mga kaubanang opisyal sa dakbayan nag-ung-ong nang daan kaniadto pang wala pay eleksiyon. Napakgang kini tungod kay wala motugot ang Comelec nga ma-serve sa DILG ang suspension order gikan sa Ombusman tungod sa kasong pagdawat nila og hinabang human sa bagyong Yolanda. Ang Comelec mismo ang miingon nga samtang dili kini ma-implementar kay election period, mahimo kining ipakanaog human sa eleksiyon. Ug kay human na man gyud ang eleksiyon, wala na lang paabuta ang Hunyo 30.

Laing hisgutanan ang kaso ni reelected congressman Bebot Abellanosa. Aduna na siyay dismissal order gikan sa Ombudsman ug sa Court of Appeals nga wala mapatuman kay wala tagda ni House Speaker Feliciano Belmonte Jr. nga kauban nila sa Liberal Party. Kini kasoha mahitungod kini sa “conflict of interest” ni Bebot sa scholarship program diin daghan sa mga benepisyaryo didto nagtungha sa tunghaan nga gipanag-iya sa kongresista.

Karon nga si Presidente Digong Duterte na ang mopuli ni Noynoy Aquino sa Malacañang, unsay kahay mahitabo sa kaso ni Abellanosa?

Nasayod na man daan ang Comelec nga adunay dismissal nga nagtangag og perpetual disqualification to hold public office batok kang Abellanosa kay gipahibalo man kini sa mga reklamante, apan gidawat gihapon ang iyang certificate of candidacy.

Pananglit ma-dismiss si Abellanosa, ang second highest number of votes nga iya ni Konsehal Gerry Carillo ba ang makalingkod isip Representante sa Kamara Baha sa among distrito sa habagatan? O kinahanglan pa mag-special election?

Mao kini angay atangan natong mga Sugboanon.

Ang makaluluoy karon mao si Mike. Kay matud sa mga higala niya (sumala sa posts sa Facebook), dili na maayong ika-estorya si Mike ug nahimo na siyang unreasonable. Gani, adunay pari nga iyang gihulga kun mag-apil-apil kini sa signature campaign nga ibatok niya sa paglingkod ni Tomas.

QUIRINO GRANDSTAND
Philstar
  • Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

SIGN IN
or sign in with