Unom na lang ka adlaw
IYO ANTOY - Antolin dela Cerna (Banat) - May 2, 2016 - 10:00am

Yes, baby, unom na lang gyud ka adlaw, mo-exercise na usab ang Haring Lungsod sa iyang gahum sa pagka hari. Mohukom na kita kun magmauswagon ba kining atong nasud, o magpabilin ba nga kabus ug timawa. Kita, lungsod ang magbuot niining tanan.

Ingon niini kun unsa ka crucial ang Mayo 9 alang kanatong tanan. Usa ra kini ka adlaw, apan ang epekto sa imong paghukom niining adlawa, molanat og unom ka tuig.

Unom ka tuig nga paglipay, o unom ka tuig nga pag-antos. Ikaw ang magbuot niining tanan kun unsa ang matang sa atong ugma. Ingon niini ikaw kagamhanan.

Mao man gani kini ang hinungdan nga kun ikaw nag-antos karon, ikaw ang hinungdan ug maoy nakaingon ning imong pag-antos. Dili ang presidente, dili ang kongreso, dili ang mga local officials.

Kanus-a man matapos kining imong pag-antos? Imo kini unya nga matubag. Busa, hinuktoki pag-ayo, saguli og pag-ampo ang imong pagbotar.

Ayaw i-limit ang imong pagpakisayod sa mga isyo, ug ayaw ibase ang imong hukom sa mga propaganda, mga pakigpulong, mga press releases, mga political analysis kunohay, ug sa mga survey.

Gamita ang imong utok. Respetohe ang kaugalingon mo nga panghunahuna. Hunahunaa nga ang imong ugma maoy gitahan karon, dili ang ugma sa mga kandidato. Sa gusto ta ug sa dili, makadaog o mapilde, maayo na na sila og pagkabutang – mas hayahay kay kanato. Akong usbon, kining atong gibalikbalik dinhi: Please vote wisely! Please vote responsibly! Lisud ba gud ni?

* * *

Giingon nga ang politika kuno sa atong nasud, usa ka entertainment, lingawlingaw lang. But, a bad entertainment. Apan, dautan nga kalingawan. Counter productive. Ang Pinoy ganahan kaayo’g politika.

“Happy days are here again,” magkanayon dayon ang Pinoy matag-eleksyon. Kay lagi gusto nga malingaw, buot maglingawlingaw!

Maoy hinungdan nga human sa matag eleksyon, magbangotan ang nasud, gumikan sa dautang paglingawlingaw. Hinaot nga ang Mayo 9 dili nato himoon nga culmination sa atong paglingawlingaw.

Dautan ba gud ang politika, per se? Ania ang kahulogan, sumala sa diksiyonaryo: Politics: art of government; political affairs or life. Maayo man, di man hugaw. Sa Thesaurus: Politics: Art & science of administration of government; affairs of state. So, dili dautan, per se, ang politika. Ambot kinsa ang naghugawhugaw niini? 

Kanang anaa diay atubangan sa Kapitolyo, yellow ug blue ang color. Sa adlaw, ang blue ra’y mabasa, sa gabii ang yellow ra pud ang mabasa. Kinahanglan molabay ka sa Capitol adlaw ug gabii aron nimo masabtan kun unsay buot nilang ipasabot.

 

Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with