Mga pagkaon sa pamahaw (1)

Matud sa usa ka  ilado’ng nutrisyonista sa New York, si Erica Giovinazzo, MS,RD sa Clay Health Club and Spa, nga ang pamahaw mas importante mokaon g’yud kay kini ang pasiuna’ng pagkarga’g inerhiya’ng magamit sa tibuok adlaw. Niya pa, suwerte kaayo kita kay naa’y dagha’ng mga masustansyado’ng kapilian.

* Oatmeal - nagbaton kini’g ‘beta glucan’ nga makatabang sa pagpaubos nga mabalanse ang kolesterol. Dasok kini sa mga ‘omega-3 fatty acid’, folate ug potassium. Mas dagha’g ‘fiber’ kini kun lutoon og 15mins., kay sa ‘rolled o instant oats’. Hinuon pulos ni maayo, basta ayaw lang ang mga ‘flavored’ kay may asukar,  imbis gatas o ‘honey’ ang isagol nato.

* Plain yogurt – kargado ni nga dagha’g calcium ug mohatag sab og dagha’ng protina. Ingon sa permi ka busog ang tiyan sa tibuok adlaw.

* Wheatgerm – ang 2 ka kutsara ini, makahatag na’g 10%DV(daily value) sa vita-E ug 10%DV sa folate. Sagad nihit ang vita-E sa diyeta nato. Busa maayo isagol ni’s yogurt o sa uban pa’ng mga pagkaon.

* Grapefruit – maayo ni sa di’pa mokaon, kay prutas ni nga mosunog sa sebu o tambok, nga mokontrol sab sa ‘bloodsugar’ ug sa ‘insulin’. Parisan la’g luto’ng itlog o yogurt. Apan usahay moalkontra kun may medikasyo’ng gimintin.

* Bananas – maayo sab ni kay dugay gutomon, pwede idugang sa ‘cereal’ o yogurt. Makaayo ni’s aduna’y hypertension, tungod sa potassium sa saging, nga mopanormal o mopaubos sa presyur sa dugo.

* Eggs – mga itlog karon gikonsiderar na sa mga sayantipiko nga maayo’ng tinubdan sa protina. Kun gusto’g protina nga malikayan ang tonelda’ng tambok o kolesterol, kini ang mas maayo’ng kaonon, matud ni Giovinazzo. Ang American Heart Assn. mirekomendar sa normal kolesterol mokaon la’g 300gms kada adlaw.