"Naunsa na man ning among lugar uy, wala man gyud atimana ang tubig diri nga pwerteng paita sa among kahimtang kay among mga gripo wa’y agas-agas. Mga opisyal namo sa barangay wala man magpakabana.”
Brgy Lamac, Consolacion, Cebu
“Taud-taud na gyud nga nangaguba ang tabon sa drainage system diri apan wala atimana ug kuyaw kaayo sa mga moagi nga motorista, labi na sa mga motorsiklo. Naa ni mahimutang sa Sitio Tabok duol ra gyud sa karaan nga barangay hall."
Brgy Looc, Danao City
“Ireklamo namo ang among kapitan kay dili man siya mohusay sa mga kaso sa adlawan, bisag importante kaayo. Gusto niya sa gabii lang himoon, ug usahay dili pa gyud siya motunga."
Brgy Kamputhaw, Cebu City
“Naa lang mi reklamo diri sa Purok 8 bahin ni sa tubig nga tagdugay nga moagas. Maabtan na lang tawon mi og alas dos sa kaadlawon pagpinaabot. Luoy kaayo ang mga magtrabaho o moeskwela sunod adlaw kay magpuwaw aron lang makasawod og tubig."
Brgy Bolinawan, Carcar City
"Ang problema namo diri sa may Dunggoan kay wala gyu’y suga ang mga poste. Wala man mag-atiman ang mga opisyal sa barangay nga unta amo na man ning gireklamo ngadto nila."
Brgy Bulangsuran, Samboan, Cebu
"Wala’y klaro nga agas ang among tubig diri sige lang mi og bayad sakto matag buwan pero halos dili moagas. Dugay na kaayo mi nag-antos sa wa’y klarong agas sa tubig."
Brgy Cabadiangan, Compostela, Cebu
"Naa mi problema diri bahin sa hugaw sa baboy niining namuhi og baboy diri kay adto man paingon sa karsada ang agay. Baho kaayo unya maglisod pa gyud mi’g agi kay mapundo man ang tae sa karsada.”
Brgy Yati, Liloan, Cebu
“Ireklamo namo ang among silingan nga subra kaayo maningil sa tubig ug kuryente. Tag P40 matag cubic meter sa tubig ug tag P18 matag kilowatt-hour sa kuryente nga unta wala man siya maggamit og kwentador.”
Brgy Mabolo, Cebu City
“Ireklamo lang nako ning gitawag nga likitlikit gang diha sa Tres Borces, duol gyud sa Audings bakery, kay wala man gyud ni matagad sa mga opisyal. Abusado kaayo ning mga tawhana ug maoy hinungdan sa gubot dihang dapita tungod kay kasagaran ana nila mga adik na.”
Brgy Mambaling, Cebu City
“Diri sa may Tabada Street wala gyud magsiga ang suga sa mga poste, labi na ang dapit sa merkado. Wala may pakialam ang among mga opisyal sa barangay bahin niini nga problema bisa’g daghan na ang mga nahitabo dihang lugara tungod sa kangitngit.”
Brgy Tejero, Cebu City
“Duna ko’y reklamo sa usa ka tanod diri nga abusado kaayo kay pataka lang og pangulata bisa’g way sala. Naay driver sa mixer nga gikulata tawon sa tanod. Bisa’g wala mosukol gisigehan gihapon og sukmag nga unta wala man siya’y katungod nga mopasakit og tawo.”