Dear Atty. Divine,
Usa ako ka regular nga employee. Gusto unta ko nga masayod kun ang "no work, no pay" atol sa holiday, applicable ba sa mga regular employee? Kun dili ko motrabaho during holiday, entitled ba gihapon ko sa akong suweldo sa maong adlaw? Daghang salamat.— Gina
Dear Gina,
Kun ikaw usa ka regular nga employee, entitled ka sa holiday pay base sa balaod. Buot ipasabot nga ang "no work, no pay" dili mo-apply sa mga regular nga empleyado, kon dili, alang ra kini sa mga casual ug dili regular nga mga empleyado. Sa ato pa, bisan kun wala ka motrabaho atol sa holiday, sweldohan gihapon ka sa company sa maong adlaw. Apan kun patrabahoon ka atol sa holiday, entitled ka og additional pay nga 30% kun special non-working holiday ug double pay ka sa maong adlaw kun kini regular holiday ug mo-apply kini regardless sa status sa empleyado, whether kini regular o dili regular. Thanks and God bless. - Atty. Divine
Alang sa inyong pangutana may kalabutan sa problemang legal, ipadala lang sa Legal Corner sa Banat News sa V. Gullas St., Cebu City or email sa flores_divina@yahoo.com ug akong tubagon ang inyong pangutana pinaagi sa akong column matag Miyerkules, Sabado ug Domingo.