Pagresponde og sunog
NAGBAGANG KASAYORAN - FO3 Wendell C. Villanueva, BFP (Banat) - February 5, 2016 - 9:00am

Daghan ko og nadawat nga pangutana sa pamaagi pagresponde sa atong kabomberohan sa mga sunog. May gitawag mi og running card system nga maoy among sumbanan sa pagpadagan sa mga firetrucks panahon nga may alarma.

Ang pamaagi sa Cebu City Fire Station. Kun dunay sunog nga moigo sa dakbayan sa Sugbo, magpadagan dayon kini sa unang fire truck sa substation nga labing duol sa nasunogan. Gitawag ni og first alarm.

Pag-abot nila sa dapit, mangayo sila og tabang kun masuta nila nga adunay posibilidad nga makadako ang sunog. Mopadagan na usab og laing mga firetrucks, 2nd alarm na.

Sa second alarm, ang tanang fire trucks nga nadestino sa distrito nga nahitaboan sa sunog, moresponde na sila. Kun dako pa g’yud, ang sunog isaka na sa 3rd alarm.

Niini, ang tanang fire trucks sa Cebu City Fire Station (CCFS) mogawas na ug moresponde sa sunog. Kun mabana-bana nga modako gyud ang sunog, ideklarar na ang gitawag og Task Force Alpha.

Sa Task Force Alpha giawhag na ang mga bombero sa ubang fire stations sa pagresponde. Kun modaku pa gyud ang sunog, ideklarar na nga Task Force Bravo nga kadtong tua sa lagyo nga fire station giawhag na sa pagresponde.

Ang ground commander sa Task Force Alpha ug Bravo mao na ang Cebu Provincial Fire Marshal. Apan bisan pa sa pagtinabangay wala gihapon makontrolar ang sunog ipasaka na kini sa labing taas nga alarm status.

Mao na kini ang General Alarm, nga bisan kadtong tua sa lagyo kaayo nga kalungsoran patabangon na. Apan ang mga bombero sa Cebu Filipino-Chinese Volunteer Fire Brigade ug sa mga barangay, wala apila niining maong paagi sa pagresponde.

Bisan gamay nga sunog, makita nimo nga ang ilang mga bombero anaa gyud dayon miabag sa pagpawong sa kayo.

Ang mga volunteer brigade sama sa Emergency Rescue Unit Foundation (ERUF), Filipino-Chinese Fire Brigade ug barangay fire brigades dako kaayo og natabang sa Bureau of Fire Protection panahon nga adunay sunog.

Mao nga bisan pa kun gamay ra ang modagan nga fire trucks sa habig sa BFP makasugakod gihapon pagpawong sa sunog gumikan sa presensya sa atong mga fire volunteer brigades nga among giisip nga partner sa pag-alagad sa publiko.

Hangyo lang namo sa katawhan kun may sunog nga tabangan lang ang mga bombero, apan ayaw ninyo ilogi sa ilang mga hose kay gusto ninyo nga maoy unahon pagpasirit og tubig ang inyong mga balay.

 

ANG APAN BUREAU OF FIRE PROTECTION CEBU CITY FIRE STATION CEBU FILIPINO-CHINESE VOLUNTEER FIRE BRIGADE FIRE KUN MGA NGA SUNOG TASK FORCE ALPHA
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with