EDITORYAL - Plan B si Poe?
(Banat) - January 7, 2016 - 9:00am

Gipasanginlan karon ang Liberal Party ug ang kampo ni Senador Grace Poe nga sekretong magkaalyado sa umaabot nga 2016 Elections. Tinuod ba kini o malisyoso lang gyud og hunahuna ang mga kaatbang sa administrasyon?

Ang pagduda nagsumikad sa pagpagawas sa Solicitor General og komento ngadto sa Korte Suprema nga nidason sa desisyon sa Senate Electoral Tribunal sa disqualification case ni Poe sa 2016 presidential elections, ang SET miingon nga mahimong makapadayon sa iyang kandidatora si Poe.

Ang SolGen mao ang abogado sa gobiyerno batok sa mga mokiha niini, ug kay ang Senado kaparte man sa gobiyerno, ang SolGen maoy nangabogar sa desisyon sa SET sa kaso ni Poe.

Ang desisyon sa Comelec sa disqualification case ni Poe bali sa desisyon sa SET. Matud pa sa Comelec wala mamatud-i ni Poe ang iyang pagka-natural born Filipino citizen maong gi-disqualify gyud ang iyang kandidatora.

Karong gidepensahan sa SolGen ang SET sa apelar ngadto sa Korte Suprema , ang Comelec na lang unya maoy modepensa sa ilang desisyon ngadto sa maong hukmanan ini og abot sa panahon nga moapelar si Poe.

 Kay di man mahitabong ang SolGen molaban usab sa Comelec kay managlahi man sila og desisyon sa SET. Matud pa first come, first serve diay ang sistema.

Daghan ang nagduda nga plan B sa Liberal Party si Poe ilabi na nga ang senadora maoy nag-una sa ratings sa surveys.  Kun di man modaog si Mar Roxas, kang Poe aduna silay ikasarang.

Kung tinuod man kini, unsa may problema niana? Pag-angkon ba kini sa kampo sa ubang kandidato nga wa silay dag-anan kang Poe o sa taktika sa LP?

Ang tigpamaba sa Malacañang mihimakak nang daan sa maong alegasyon kay solido ilang suporta kang Mar Roxas sa 2016. Ang ilang tumong nga adunay mopadayon sa nasugdan ni Aquino nga Daang Matuwid.

 

 

ANG COMELEC DAANG MATUWID KORTE SUPREMA LIBERAL PARTY MAR ROXAS MATUD NGA POE SENADOR GRACE POE SENATE ELECTORAL TRIBUNAL
Philstar
  • Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

SIGN IN
or sign in with