Ania ang duga'ng remedyo alang niadto'ng bagulbagol nga nagpakita na'g sintomas sa pagpanglagas sa buhok o senyales nga ka-opawon na. Busa atong sulayan ang mga natural nga remedyo ini, kun unsa'y haom nga maayo ini o personal nga epektibo alang kanimo. Obserbahe lang sama ni'ng mga mosunod;
* Dahon sa bayabas — Ang paglaga sa dahon ini, nga pabukala'g maayo hangtud molagom nga pagkaberde ang 1ka litro tubig, di ablihan ang takop, aron di mogawas ang inalisngaw sa mga nutrents. Pabugnawa unya masahea ang bagulbagol nga gibasa sa linaga sa bayabas. Buhata ni sa buntag ug sa hapon 3-4ka beses sa semana.
* Itlog – Batila'g maayo ang itlog nga sagola'g 'olive oil' o lana sa lubi. Unya butangi ang bagulbagol nga masahean makadiyot, pasagdi nga mauga. Dayon pataudtauri una mag-mild o baby shampoo ighuman limpyohan o banlawan sa tubig. Buhata ni 2 - 3ka beses sa semana.
* Aloe vera — Mopagana ni sa pagsirkular sa dugo sa atong bagulbagol. Daku sab ni'g ikatabang nga mamintin ang balanse nga PH, aron di ma-asidic nga maoy nakapabugto sa buhok kay napikot ang gitugkan ini (skin pores). Mopaabli sad ni sa paghawan sa barado'ng mga 'skin pores', diin nanurok ang mga buhok nato sa bagulbagol. Pauyon nga hiwaon ang palwa sa 'aloe vera' ug kuhaa ang lapot nga lanot ini (gel), maayo sagola'g tuno sa lubi (coco milk). Nga sa sama'ng paagi, masahean ang bagulbagol nga butangan ini nga igo'ng mabasa nga motuhop sa bagulbagol. Pipila ka bulan makita na ang resulta.
* Gingko biloba — Di lang ni maayo sa sip-on o ubo, epektibo sab ni sa pagpalig-on sa buhok nga di manglagas. Sustansya ni's buhok nga di monipis o manglihang. Ang lana ini, mopagana pagbalik sa normal nga pagtubo sa buhok.