Halos tanan nga tanom, adunay dakung kapuslanan sa atong panglawas nga magamit alang sa pagkaon ug sa pang-alibyo o pag-ayo sa mga sakit. Sama sa mga punoan sa kahoy, dahon ug prutas nga gihimo’ng mga herbal o mga lamas. Apan nadiskubrehan nga sa kadaghan ini, may 10ka herbal o lamas nga nag-una sa pagbaton og potensyal nga pang-alibyo sa mga sakit.
1 – Cayenne – Halang kini nga pamilya sa sili nga kulikot o peppers, nga pulos aduna’y ‘plant compound’ nga ‘capsaicin’ para sa artraytis, panakit sa ‘nerves’ o kaugatan. Gamiton sab ni sa dayabetes, makaayo gihapon isip ‘anti-inflammatory’, ‘antioxidants’, ‘metabolism booster’ ug ‘fat burning calorie’.
2 – Cinnamon — Usa ni ka klase sa lamas nga ilado kini’ng epektibo sa pag-alibyo o mopaubos sa ‘bloodsugar’ sa dayabetison. Nga ¼ ngadto sa ½ sa kutsarita sa buntag, ini’ng isagol o ibalibod sa pagkaon o imnonon sama sa tsa, gatas o linugaw nga oatmeal ug uban pa. Makapamenus ni sa ‘triglycerides’ ug sa kinatibuk-a’ng lebel sa kolesterol ngadto sa 12-30 %. Makatabang sab ni sa pagpaluag sa barado’ng kaugatan. Nagbaton sab ni’g ‘anti-bacterial’, ‘anti-inflammatory’ nga natural mopaalibyo sa maayo’ng gipamati sa panglawas.
3 – Clove — Aduna sab ni ‘anti-inflammatory plant’s compound’ nga ‘eugenol’. Giisip ni’ng nagbato’g taas o potensyal nga ‘antioxidants’, ug ‘anti-inflammatory’, nga epektibo kaayo sa tana’ng mud-on nato sa lawas. Gikan sa lig-o’ng depensa o proteksyon sa kasingkasing ngadto sa kanser sa bukog ug lutahan. Makapa-improve sab ni sa pag-epekto sa trabaho sa ‘insulin’ sa selyula. Mopatay ni’s bacteria sa ngipon ug uba’ng sakit nga di mada sa ‘antibiotics’.
4 – Coriander — Usa ni ka ‘herbs’ nga liso sa coriander gikan sa Cilandro, nga nagsilbi’ng pagkaon sa mga Mexikano, Thailander, Vietnamese, ug Indiano.