Ang Amerika, sa pagkakaron naproblema tungod kay 40% sa ilang populasyon, mga tambok (obese) ug mga subra sa gibug-aton (overweight). Unya ra ba, aduna'y pipila sa ato'ng kaigsuonan, nga gihimong idolo ang Amerikanho'ng diyeta (diet), mao'ng daghan na sab ang subra na's katambok.
Tungod ani'ng problemaha, ang mga nasud nagmugna og nagkalainlaing estilo sa pagdiyeta nga haom sa ilang kaliwat, aron malikayan ang ingon ani'ng epidemya nga nagtubo ang gidaghanon sa mga tambok nga kuyaw sa panglawas, diin dinhi magsukad ang komplikasyon sa dagha'ng mga sakit.
Sa ato usab, ang DOH adunay gisagop nga atong estilo sa pagdiyeta nga ginganla'g 'Pinoy Diet'. Duna na kita niini kaniadto nga 'food pyramid' apan wa mosaler tingali, wala kaayo matukib ang pagsabot niini. Busa, giilisan kini nga mas yano ug dali nga sabton sa masa'ng Filipino. Busa ania ang giya aron matamdan nato unsay angay kaonon sa 'Pinoy Diet', panahon sa atong tingkaon.
(1) Kan-o'ng humay ug mga alternatibo (sama sa mais, ubnpa). Ang 1ka serbi lang sa bisan asa niini..(a) 1ka tasa sa kan-on…(b) 4ka buok pandesal-17gm.each.. (c) 4ka hiwa sa loaf bread-17gm.each..(d) 1ka tasa nga spaghetti..kada adlaw.
(2)Isda ug mga alternatibo - Ang 2ka serbi lang sa bisan asa ini..(a) 1ka buok isda'ng gagmay (sama sa budboron)..(b) 1 ka naanda'ng hiwa sa paa o dughan sa manok..(c) 1ka hiwa sa unod sa karne, ingon kadaku sa posporo. 2ka beses sa semana.
(3)Utan - 1 ka serbi sa 1ka tasa sa linuto o kinilaw (salad) matag adlaw
(4)Prutas - 1 ka serbi lang bisan asa niini..(a) 1ka buok saging..o orange..(b)1 ka hiwa sa kasagaran sa dagkung prutas, 6 ka beses sa semana.
(5) Tubig - 8 ka baso o kapin pa matag adlaw.
Kun tambok o subra's timbang, inanaya ang pag-usab ang inyong kinan-an.