EDITORYAL - Nameligro ang Spratly
(Banat) - January 24, 2015 - 12:00am

Padung sa wala’y kapuslanan ang dalan nga gitaak sa Pilipinas kalabot sa panag-ilog sa teritoryo diha sa West Philippine Sea batok sa China.

Kay samtang si Foreign Affairs Secretary Albert del Rosario ug ang gobiyerno  nagsalig sa arbitration pinaagi sa United Nations Convention Law of the Sea (UNCLOS), ang China nagpunay na og reclaim sa mga coral reefs , atolls ug shoals  nga naa sa sud sa Exclusive Economic Zone sa Pilipinas.

Updated kaayo ang Pilipinas sa mga gipanghimo sa China diha sa WPS diin gipakita sa DFA ang paspas kaayo nilang reclamation sa mga kaniadto hunasan ug karon nahimo nang man-made islands nga dunay airstrip, marina ug mga buildings.

Ang kaniadto payag-payag lang sa mga Intsik, mas malambuon pa kun itandi sa munisipyo sa Pagasa Island diha sa Kalayaan Group of Islands (KIG) o mas naila nga Spratly Islands nga giokupar sa mga Filipino.

Samtang tuod nagsubay ang Pilipinas sa malinawong dalan alang sa kasulbaran sa kasungian pinaagi sa arbitration process, ang China wa manumbaling niini.

Ang pangutana, mabawi pa kaha sa Pilipinas kining mga teritoryo nga gipang-reclaim sa China kun pabor sa Pilipinas ang arbitration? Kinsa may muabog sa China? Kaya ba silang abugon sa Armed Forces of the Philippines?

Ang pagkahimong suod sa Pilipinas ug sa Amerika ug ang baruganan sa mga Amerkano nga ang “freedom of navigation” lamang ang ilang interes sa WPS nakadugang pa sa sitwasyon.

Mas seryoso na kaayo ang sitwasyon karon sa WPS,  apan subo kaayong tan-awon nga mas busy pa gihapon ang kadaghanan sa mga magbabalaod sa ilang pinaksitay sa politika tungod kay hapit na ang eleksyon.

 

ARMED FORCES OF THE PHILIPPINES EXCLUSIVE ECONOMIC ZONE FOREIGN AFFAIRS SECRETARY ALBERT KALAYAAN GROUP OF ISLANDS PAGASA ISLAND PILIPINAS SPRATLY ISLANDS UNITED NATIONS CONVENTION LAW OF THE SEA
  • Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with