Lisud ni. Tanang presidente nakiggubat gayud sa kawad-on. Matag assume nila sa opisina, sa dayon na’ng pungko sa Malacañang, mo-declare dayon sila’g war against poverty.
Sige’ng gubat batok sa kawad-on, apan hangtud karon nagpabilin ang kawad-on. Sa ato pa, pilde ta sa gubat. We’ve lost the war.
Hinungdan nga nagkadaghan ang gigutom gumikan sa kawad-on. Wala kuno’ng mahirap kun walay kurap. Of course lisud pagpuo sa corruption tungod kay maayo na kini nga pagkagamut sa atong kaugatan ug kabukogan.
Maoy hinungdan nga tuloy ang kahirapan. Miabot na og 18 ka bulan ang pakigbugno ni Noynoy batok sa kawad-on ug wa pay klaro kun mahingpit ba niya pagtul-id ang dalan paingon sa tingusbawan.
Giingon dinhi nga ang mga dagko’ng negosyo makatabang kuno pagpakigbugno sa kawad-on. Big business can help fight poverty, matud pa ni Noel de Dios, usa ka economist sa University of the Philippines nga gikutlo ni Boo Chanco sa iyang column sa Philippine Star.
Gisugyot dinhi, nga tungod kay kasagaran sa mga kabus atua man sa rural areas sa mga lalawigan, ang mga dagko’ng corporation, would go into the business of agricultue ug ilang i-involve, ilang ilakip ang mga kabus sa ilang mga plano.
Sa ato pa, commercial agriculture. Inay mo-concentrate lang sila pagtukod og mga malls, condos, airlines ug mga tollways. Ginganlan dinhi ang mga dagko’ng corporation, sama sa Metro Pacific (ang motukod sa 3rd Mactan bridge), San Miguel Corporation, SM, ug Ayala, nga unta mougmad usab sila sa agricultural production.
It seems nga sa pagkakaron, ang San Miguel Corporation ra ang na-involved sa agriculture.
Niini nga paagi, atong ma-imagine unsa ka daghan sa mga kabus ang mahaw-as gikan sa kawad-on. Kini, gawas sa pag-usbaw sa production, ug malakip na ang pagkusog sa exportation sa atong mga produkto sa kaumahan.
* * *
Kun mahimo na’ng balaud ang gi-file nga balaudnon ni Senador Juan Edgardo Angara, mahimo na’ng supak sa balaud ang pag-discriminate kang bisan kinsa pinasikad sa edad, sex, ethnic origin, religious belief, social status, gender, political conviction, marital status, etc.
Sa ato pa, patas kita’ng tanan, equal ta’ng tanan sa mga mata ni bisan kinsa. Sa panarbaho pananglitan, dili i-discriminate ang mga senior citizens, ang mga babaye, ang mga mahuyang ug ang mga lahi og tinuohan.
Sa ato ra ba’ng society karon, grabe na kaayo ang discrimination. We welcome Angara’s Anti-Discrimination Act.