Unsay kaso sa bana nga mi-abandon sa asawa ug mga anak?
LEGAL CORNER - Atty. Divine Flores (Banat) - July 13, 2014 - 12:00am

Dear Atty. Divine,

Ikonsulta nako nimo ang bahin sa akong bana nga mi-abandon kanako ug sa among upat ka anak. Pulos menor de-edad ang among mga anak ug ang tanan nag-eskwela. Ako nagtrabaho sa usa ka klinika samtang ang akong bana nagtrabaho usab sa laing kompaniya. Niadtong miaging buwan, milakaw ang akong bana nga walay pananghid, wala na mopauli ug ako na lang ang nag-atiman karon ug naggasto sa among mga bata ug nagkalisud gani ko kay kuwang ra ang akong sweldo, kanunay pa ko maka absent kay wala may mokuha sa mga bata sa eskwelahan. Ako siya’ng giprangkahan nga kun wala na siya’y gusto nako magbuwag mi sa maayong kabubut-on apan kinahanglan nga iyang suportahan ang mga bata. Hangtod karon wala g’yud siya mosuporta. Gusto nako siya’ng ikiha. Unsa may kaso nga angayan nako’ng ipasaka niya? Asa man ko modangop? -Lucy

 

Dear Lucy,

Kun gusto ka nga ma-obligar ang imong bana pagsuporta sa mga bata mamahimo ka nga mopasaka og Petition sa kortebatok sa imong bana alang sa pagpangayo og suporta sa mga bata. Mapugos g’yud siya sa paghatag niini kay mamahimo man siya’ng i-contempt kun dili siya makatuman sa iyang binuwan nga obligasyon. Mahimo ka ‘sab nga mopasaka og kaso’ng criminal batok kaniya base sa Anti-Violence Against Women and Their Children kon Republic Act 9262. Ang iyang gibuhat kanimo makonsiderar nga Economic violence ug Psychological abuse ug klaro kaayo nga kini kalapasan sa maong balaod. Tungod kay criminal offense man kini mamahimo siya nga dakpon ug bilanggoon kun mapamatud-an siya’ng sad-an sa maong kaso. Mamahimo ka nga modangop sa Public Attorney’s Office kun makadesisyon ka sa pagkiha sa imong bana. Apan sa dili pa nimo buhaton ang pagpasaka og kaso mas maayo nga imo una siya’ng padad-an og demand letter o ba kaha ipaagi sa barangay ang pag-areglo sa inyong problema aron mas sayon ug mas paspas ang kasulbaran niini. Hinaut nga akong natubag ang imong mga pangutana. – Atty Divine

Kun ikaw adunay pangutana, ipadala lang sa Legal Corner sa Banat News or email sa flores_divina@yahoo.com ug akong tubagon ang inyong pangutana matag Miyerkules ug Domingo pinaagi sa akong column.

AKONG ANTI-VIOLENCE AGAINST WOMEN AND THEIR CHILDREN ATTY DIVINE BANAT NEWS DEAR ATTY DEAR LUCY KUN SIYA
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with