Ang asin simbolo sa purification usa pud kini ka preservative. Sa kapanahonan sa atong Ginoo gigamit nila ang asin ingon nga sagol sa binulad nga hugaw kon tai sa kamelyo aron magsilbing sugnod sa ilang lutoanan. Dugang pa gihimo ni nila nga kahimanan aron magpabiling init ang pagkaon nga ilang gitak-ang diha sa ilang sug-angan. Sa laing bahin ang asin tabang aron maghatag og kalami sa atong pagkaon.
Ang exorcism literature ang matag karon ug unya ang nakahisgot sa asin ingon nga kahimanan sa pagsilyo sa dapit gikan sa dautang mga espiritu. Ang ebanghelyo nato karong Domingoha ang nagdapit kanatong tanan nga mamahimo kitang kalami ngadto sa uban, kahayag ngadto kanila ug kainit sa ilang kinabuhi.
Dili lang sa pulong kon dili usab sa atong binuhatan. Si Lao Tzu ang nihatag kanato ning maong pahimangno: "Watch your thoughts they become words, watch your words they become actions, watch your actions they become habits, watch your habits they become character, watch your character, it become your destiny.! "