Bida sad uy, kinahanglan bang bag-uhon ang spelling sa usa ka produkto aron mahalin?
Unya, tungod kay nagbayad pagpa-advertise, sugot lang pud ang media, particularly ang KBP pag-promote sa wrong spelling? Ang DepEd, sugot lang pud?
* * *
Samtang uyon si Speaker Feliciano Belmonte sa gipanday karon nga Anti-Political Dynasty Bill, daku ang iyang pagtuo nga maglisud kini’g pasar sa Lower House, tungod kay daghan sa mga Kongresista maigo niining maong balaudnon.
Sayud ang lungsod, tungod kay kita man ang nagbutang kanila diha sa ilang mga katungdanan, nga daghan sa atong mga magbabalaud na-belong sa usa ka banay. Sa ato pa, dili tingali sila maghimo’g balaud nga masupak sa ilang mga kaprisyo.
Ang 1987 Constitution (kahinumdom mo?), midili sa mga political dynasties, apan nagkinahanglan kini’g enabling law aron mapatuman. Apan, hapit na mo-30 ka tuig ang milabay, apan, waa gyuy enabling law nga napasar.
Maayo pa, nga kun mag-ChaCha man ugaling ta, usa kini sa mga provisions nga angayan wagtangon. After all, dili man gyud ni kabuhatan og enabling law. Samtang napasar na kini sa committee level, ambut unsay dangatan ini sa hawanan na sa Kongreso, diin ila na kining debatihan.
Mosugot kaha ang atong mga magbabalaud nga mopasar sila’g balaud nga makahatag og kadaot sa ilang mga ambisyon? Alang nila, nganong did-an man ang ilang asawa o bana, o ang ilang anak o amahan paglansar ug pag-alagad sa lungsod? Supak kini sa ilang mga katungod! Busa. Dili kita makapaabot nga mahimong balaud ang anti-political dynasty bill.
* * *
Sulod sa miaging 9 ka tuig, ang smuggling motipak bali’g P1.33 trillion gikan sa panudlanan sa lungsod. Kini sa 9 lang ka tuig, gikan sa 2002 hangtud 2011. What about prior to 2002? Nagpasabot nga ang atong gobyerno, wala gayuy tinguha pagsanta sa smuggling. Hinaut nga mahimo kini karon sa administrasyon ni Noynoy, uban sa matuwid na daan niyang programa.
* * *
Miingon si Noynoy nga kono ang atong mga newspaper makahatag kanato’g high blood pressure. Tinuod? Alang sa ubang taga-media, ang good news is not news. Maoy hinungdan nga pirmeng ma-banner headline ang mga bad news, ug kun duna man, ang mga good news ilubong sa mga inside pages.
Ni Noynoy pa: “This is what I have always asked of media: to raise the level of public discourse, instead of fueling unnecessary speculation and negativity that contribute to national apathy.â€
Mangutana ta: Maka-contribute ba pagpauswag sa atong nasud ang kanunay natong pagbatil sa nahitabo ni Vhong Navarro.? Hain na man tong ilang giingon nga Development Communication (DevCom)?