Naa may daghang mga kanta kabahin si Sr. Sto. Niño. Ang Huninyo music competition mo-produce kon momugna og dinosenang kanta isip halad ngadto sa Senyor ug pulos kini maanindot dili lang paminawon kundili usab makatandog sa balatian.
* * *
Apan naay usa ka awit alang kun kabahin ni Sr. Sto. Niño nga maoy kinaham sa kadaghanan. Kini mao ang “Batobalani sa Gugma†nga pagakantahon sa mga manimbahay atol sa Misa diha sa Pilgrim Center.
* * *
Hapit tanan nga manambong sa maong Misa manganta gayud niini, dala pa ang pagwara-wara o pagpakayab-kayab sa mga kamut samtang nag-awit.
* * *
“Makatandog sa balatian,†matud pa ni Mrs. Guadalupe Trias, usa ka maestra, kinsa kusog kaayo ang tingog inigkanta niini. “Usahay,†matud pa niya, “modagayday gyud ang akong luha inig apil ko sa mga debotos pagkanta niini.â€
* * *
Si Nimfa, Tessie, Lucy ug Mina, mga high school students sa UV, dili sad mopalta sa pagtambong sa novena sa Pilgrim Center tungod kay ganahan kuno sila manguyog og kanta sa “Batobalani sa Gugma†uban sa libuan ka mga debotos.
* * *
Si Dr. Filemon ug Mrs. Lorna Lapuz, taga Labangon, ganahan sab mokanta sa “Batobalani†atol sa Misa diha sa Pilgrm Center. “Ma-touch gyud ko sa maong kanta,†matud pa ni Dr. (Ph. D.) Lapuz.
* * *
TRIVIA. Maayong buntag sa atong mga higalang magbabasa sa Banat News diha sa Magallanes St. Pit Senyor kaninyong tanan!