Mga timailhan sa haunted house

1. Dili masabot nga mga kasikas/kasaba— Nga mahimong maglangkob sa mga tunob, panuktok, pangabli sa mga pultahan, cabinet ug uban pa.

2. Maabli ang mga pultahan sa ilang kaugalingon— Dili dayon kini maalinggatan sa kadaghanan. Bugtong ang mga nakasinati lamang niini ang makamatngon. Bisan pa man kun nation sa nakasinati niini nga iyang gisirad-an ang pultahan sa dayon niyang lakaw apan pagbalik niya abli na kini bisan pa man kun ang nakasinati nagbinugtong lang sa maong balay.

3. Mosiga ug mopalong lang ang suga sa ilang kaugalingon—Ang nakasinati ning hitaboa ang nakatino gyud nga iyang gipalong ang suga apan sa pagbalik niya kini ni siga. Gipasiga niya ang suga apan sa pagbalik niya kini napalong na. Kining hitaboa ang mahimong mahitabo usab ngadto sa mga telebisyon, radio ug uban pang mga kahimanang elektrikal.

4. Mawala ug makit-ang mga butang– Gitawag kini sa mga Psychics og “dopler effect” (Disappearing Object Phenomenon). Gitawag usab kini nato og mga manghulamay. Kini naglangkob sa asporting diin mawala ang usa ka butang apan kini hikit-an pa ug sa usa ka dapit teleporting diin nawala ang usa ka butang apan kini hikit-an sa laing dapit sa balay.

5. Mga anino —Masigpatan ang mga naglutaw–lutaw nga mga anino diha sa balay. Kining maong mga anino ang walay tinong porma ug bayhon.

6. Dili kasarangan lihok sa mga hayop— Ang usa ka iro mahimong mouwang ug mopaghot sa walay hinungdan. Mopaghot siya sa usa ka direksiyon nga walay tawong nakita. Ang iring sa laing bahin ang mohimo og usa ka dapit sa panimalay. Ang mga researchers ug gani ang mga exorcists mituo man nga ang mga hayop sama sa iro ang dunay hataas nga pyschic ability nga nahimong abli sa kalibutan sa Espiritu kun itandi kanatong mga tawo. Mao nga sa mga imbestigasyon sa dili pa himoon ang usa ka deliverance session mao ang paggamit sa iro aron pagsuta sa usa ka dapit.