"Asa's most modern shipyard ni RP." Di ka ma-proud ana, Dro? Unya, ang maong pride of the Philippines, ang maong moderno kaayo ang shipyard, tua diay mahimutang sa lungsod sa Balamban. Nisamot kog ka-proud.
Mao unta ni ang concentration sa atong nasud. Dili politika. Production, industrialization, ug dili kay magsige tag lalis kinsay namakak nato, kinsay nanikas ug kinsay nangawat.
Hinuon, kon mohunong na tag pamakak, panikas ug pangawat, di na sad tingali ta magsigeg pangutana, kon kinsa kanato ang nag-lying, cheating ug stealing.
Anyway, ang barko sa hulagway, ginganlan og "Vlieland," for delivery ngadto sa United Kingdom. Imagine Dro, nag-export tag daku ug matahom nga barko ngadto sa United Kingdom! Unya, gikan sa Balamban! Lisud tuhoan no, nga mao may atong naandan ang importation o ang pagpamalit bisan unsa gikan sa ubang kanasuran.
Ang maong barko, ang labing daku nga nagama sa Balamban, maka-accommodate og 1,200 ka pasahero ug makakarga og 60 ka mga sakyanan. Daku gyud kaayo. Sukad naka-deliver na kinig 13 ka mga barko, daku ug gamay, ngadto sa Australia ug United Kingdom. Usa ka private initiative, gipanag-iya kini sa Aboitiz Equity Ventures. Sa ato pa, Cebu-based.
Akong usbon, mao unta kini ang atong hatagan og priority. Development. Ang matang sa atong pamolitika dinhi sa atong nasud, naghatag og dakung kadaut kanatong tanan. Nabiya ang ekonomiya ug politika nay naghari.
Nahimo kitang tanan nga hostage sa politika. Inay kaugmaran, ang personal rang mga agenda sa atong mga lider maoy nagpatigbabaw.
Ambut kanus-a ta maliksiyon. We never learn. Hangtod karon, medyo naglisod na tag bangon economically. It's time we forget ourselves. Sige lang tang ingon nga Bayan Muna. Kutob ra ta diha. slogan dinhi, slogan didto.
In the meantime, nag-antus ang katawhan. Gigutom. Panahon na nga magtininuod silag alagad sa lungsod. Forget politics. Forget loyalties to persons. Be loyal to country and people, not to personalities. Ngano man diay, kinsa man diay ang ilang nautangan og kabubut-on, di ba ang lungsod man?