^

Banat Kalingawan

Wala ka gikauwaw

Banat

Dear Tito Miguel,

Ako diay si Crisadelle, taga Banawa .Upat ka tuig na ang relasyon namo ni Michael John. Akong problema kay mura'g dili proud akong uyab sa among relasyon kay dili siya ganahan nga kanunay i-post ang among sweet photos.  Dili ra ba OA akong reaction? Salamat Tito Miguel. — Crisadelle

Crisadelle,

Kasagaran laki dili ganahan mopatik sa ilang kinabuhi, labi na sa lovelife. Ang kultura sa mga laki, dili magpadayag sa emosyon, apil na ang pasigarbo. Kasagaran mauwawon, apan dili pasabot iya kang gikauwaw. Ma’s kumportable siya kun yano ug hilom ra, dili banha so social media.

Apan dili tanan, nataymingan nga apil siya sa kasagaran. Gani  ang lalaki nga mahilig mopatik sa hulagway kadudahan, labi na’g selfie. Apan dili gihapon tanan. Usahay timailhan, apan walay kalambigitan ang hilig sa tawo ngadto sa iyang sexual preference.

Lagmit dili siya ganahan magpahulagway. Basin napugos pa sa imong hilig. Kay sa laing bahin, kasagaran babaye ganahan magpahulagway aron sa Facebook ipabuhagay. Apan dili tanan. Nataymingan ra sad nga kuyog ka sa kasagaran.

Ang pagpost sa inyong hulagway dili sukod kun siya mapasigarbohon, sama ra nga ang pasigarbo dili sukod sa gugma. Daghan pamaagi pagpakita niini, sama sa iyang kaligdong, pagkamatinud-anon o pagkamaunongon. Dunay uban mapasigarbohon sa ilang uyab, apan giilad. Dili tanan nahitabo sa imong kinabuhi angay ipatik, labi na lovelife kay kini pribado. Ini’g buwag ninyo, mabawo ka’g delete sa imong gipangpatik.

Kun gipailaila na ka sa iyang pamilya’g barkada, gipasigarbo na ka. Buot pasabot gusto niya ang suod lamang ang makahibawo parte ninyo duha, dili ang tibuok kalibotan nga kaninyo wala’y kalambigitan.

Apan kun sa upat ka tuig wa gihapon kay nailhan sa iyang pamilya ug barkada, basin tinuod imong duda, o dili ba kaha ikaduha ra ka.    Miguel

Magpatambag ka? Ipada kang Tito Miguel: 0998-581-5856

TITO MIGUEL

Philstar
  • Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with