_banat
^

Banat Kalingawan

Palayo kun sili magkasinabot

Banat

Dear Tito Miguel,

Maayong hapon!  Ako si Marz, 30 years old, minyo naay upat kabuok anak. Ang akung problema mahitungod sa akung ugangan nga pwerti ka bati ang batasan, nag away man gud mi ani niya kay manghilabot nako. Unsa akong angay nga buhaton? Salamat.  —Marz

Marz,

Kun nag- ipon mo sa imo ugangan, kinahanglan mo maglain palayo. Bisan unsa pa mo ka maayo, pasensyoso o masinabtananon sa usa’g-usa, moabot gyud sa punto nga kamo magkabangi. Lain lain mo’g pamaagi pagpadagan sa pamilya ug panimalay. Dili ma arang ang duha ka pamilya sa usa ka balay. Magkadaghan ang nagpuyo, magkaguot ang panimuyo, busa magkabangga gyud ug dunay manuyo. Kun wala mo nag- ipon apan kanimo nanghilabot gihapon, lagmit dala na sa iyang selos tungod kay siya una nahimong ginikanan sa iyang anak kaysa kanimo nga asawa. O dili ba kaha wala lang siya kauyon nimo o ngil-ad gyud siya’g batasan nga maski kinsa iyang makaaway. Busa ayaw na’g paninguha nga maganahan siya nimo. Maski unsaon nimo, wa gyud kay ayo sa tawo nga wa kauyon nimo.

Apan tan-awa sab imo’ng kaugalingon basin naa kay kakulangan o kalapasan. Kun naa sab kay sayop, pangayo’g pasaylo kun kaya nimo. Wala’y dautan sa pagpaubos labi na’g imong ugangan. Kun di nimo kaya mangayo’g pasaylo, likay na lang nga magkita mo, apan undangi na ang tanan istorya mahitungod sa inyong panagbingkil. Kun naa ka’y madunggan, ayaw na’g tagda. Mao ni ang epektibo nga pagpasaylo, hapsay pa ang hunahuna nimo. Kun padayon siya panghilabot nimo, pasagdi. Iyaha na problema, dili imo. Timan-i, kasagaran hilabtanon dili malipayon. Busa ikaw nga gihilabtan, kalma lang, tagamtama imo’ng arang arang nga kahimtang, kay lagmit mao na iya’ng gilungot lungotan. Kun di magkasinabot, palayo sa ugangan, dili siya imong gipakaslan.  —Tito Miguel

Magpatambag ka? Ipada kang Tito Miguel: 0998-581-5856

TITO MIGUEL
Philstar
  • Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with