^

Sobraan ka seloso!

(Banat) - April 9, 2021 - 12:00am

Dear Tito Miguel,

Ako diay si Lea, 24, from Lapu-Lapu. Naa koy kalive in,  bag- ohay pami. Nya duna naman koy namatikdan--grabe ka seloso. Masuko siya og dunay motan-aw ug motagad nako bisa'g amoa rang silingan maong galibug jud ko karon og angay ba nakong ipadayon ang among relasyon. —  Lea

Lea,

Dunay mga tawo, dili lang ang babaye sama nimo, ang malipay ug mura’g gibayaw kun ilang kapikas hingabubhoan kay para nila sila hingpit nga giangkon ug gipanag-iya. Kini ang matang sa babaye ang haom sa imong kaipon. Dili ikaw, nga natuok na’g maayo sa iyang pagka seloso. Pagmatngon, kay mao na iyang pagkatawo, lisod usbon maski unsaon. Tingali kun imong baharan nga biyaan mopasalig nga mag-usab. Mahimo nimo suwayan, paniid kun dunay kausaban. Mausab kadiyot tungod sa kahadlok nga imong buwagan, apan pabilin nga nagpahipi iyang tinuod nga pagkatawo. Inig luag nimo, mopabuhagay na usab iyang pagkaseloso kay kini gidiktahan sa iyang kasingkasing ug ulo. Akong balikon, mao ni iyang pagkatawo.

Kun dili ka kaagwanta kun unsa ug kinsa siya ug ang imong gugma matabunan sa iyang pagkaseloso, biya na samtang sayo pa. Kay kun ikaw mahinayak, delikado kun asa ka mahisugamak. Apan pagdahom nga kun imo siya biyaan, lagmit kanimo moapas ug mangamuyo. Kun ikaw mohumok ug mohatag kaniya’g laing higayon, imo ra gipatuyok tuyok imong sitwasyon.

Apan delikado ha, kay ang iyang pagkatawo dunay purohan nga mobuhat og dautan ngadto sa iyang gimahal. Labi na’g dapatan ka kun siya maputos sa selos. Crime of passion, duna siya’y katakus mobuhat niini. Nagdilaab ang pula nga bandera. Busa kun ikaw mobiya, hinay hinaya, pangita’g insakto nga takna. Siguradoha duna kay igong proteksiyon gikan sa imong pamilya ug mga higala. Tito Miguel

Magpatambag ka? Ipada kang Tito Miguel: 0998-581-5856

LAPU-LAPU
Philstar
  • Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with