Eskandalosa nga Silingan
(Banat) - October 19, 2020 - 12:00am

Dear Tito Miguel,

Saputon gyud ko aning among silingan nga mag-live in partner. Walay pili, sayong buntag o lawon nga gabii, mag-away. Saba kaayo. Makatugaw. Mga wala gyuy respeto og silingan.

Dili nako mobadlong nila kay sauna ako nanang gibuhat, ako hinuoy giaway sa babaye.Pero kapoy kaayo paminawon. Samok.

Mercy

* * *

Mercy,

Gusto ka mamadlong pero di magpaila sa mga badlungon kay sa niagi ikaw nahiagom. Otoridad ang angay mopakgang sa ila’ng abilidad. Dangop ngadto sa inyo’ng barangay, hangyoa sila nga panid-an imo’ng mga silingan sa takna sa ila’ng pag alburoto aron mabadlongan dayon ila’ng pagbuto buto.

Sa maong pamaagi, di sila magduda nga duna’y nisumbong kay trabaho man sa mga tanod ang mag tuyok tuyok aron maniid ug manalipod sa kahapsay ug kalinaw sa barangay. Mas maayo magkuyog ka’g laing silingan nga sigurado nabalda sab sa ila’ng salida aron makumbinsi sila nga imo’ng reklamo seryoso.

Kun way aksyon ang barangay, konsulta’g abugado, dili kay imo’ng silingan ikiha nimo, kun dili ireklamo ang barangay nga wa moresponde sa imo’ng lehitimo nga reklamo.

Tito Miguel

SILINGAN
Philstar
  • Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with