Tito Miguel
(Banat) - May 25, 2020 - 12:00am

Maayong adlaw kanimo! Tawga lang ko og Clifford, hingkod ang panuigon ug usa ka sales clerk sa usa department store. Minyo ko ug aduna mi one year old baby sa akong asawa.

Wala pa mi makabalik og trabaho busa problema gyud ang may kalabutan sa mga butang pinansyal. Pero madada ra gud. Hugot lang sa bakos nila pa. Ang dili na gyud hapit nako mada mao ang batasan sa akong asawa. Niundang mani siyag trabaho kay aron magbantay sa among anak. Karon, Tito Miguel, nigrabe man iyang insecurities.

Makakita siya makig-istorya ko sa among mga silingan nga babaye—kadali ug panagsa ra gud—lainon man niyag sabot. Nag-iring-iring kuno mi. Naa mi relasyon. Unya magdrama-drama siya kay lusyang na siya, maot na kunog dagway. Ambot Tito Miguel, naunsa ni siya. Mao pay nagproblema pa ta aning Covi, dugangan pa gyud aning akong asawa. Sus, magsige na lang mig lalis nga mahimong away nga walay igong rason. Mura’g tanan nakong lihok dautan para niya.

Naunsa mani akong asawa, Tito Miguel? Mag-unsa man ko?

Clifford

* * *

Clifford,

Imong asawa lagmit nakuwangan sa imong pagtagad. Tungod niini, niubos iyang panan-aw sa kaugalingon. Ang resulta nahimong insecure. Basin nalimtan na ninyo ang naandan buhaton kaniadto, labi na kadtong uyab pa mo o bag-ong minyo. Dayega siya’g balik, apan ayaw ulo ulohi. Kinahanglan sinsero gihapon ka, hinumdomi unsa’y nakapaibog nimo niya kaniadto.

            Wa ka maghisgot sa iyang edad, apan kun pananglit ang kanhi kaanyag nagka hupas na, ipasalig niya nga dili ka molingi og lain. Ang tiunay nga pagmahal dili matandog sa pag uga sa panit o dili ba kaha pagpanambok sa unod. Mao bitaw nag minyo mo aron magkuyog ngadto sa katiguwangan.

Kun dili sa iyang hitsura, dayega iyang pagkatawo ug pagka asawa nimo. Apan labaw sa tanan, iyang pagka inahan. Kay tingali sa kalisod sa panahon karon, nakatutok mo sa problema, wala na mo’y nakita nga positibo sa usa’g usa.

Pasabta siya nga di malikayan motimbaya ka sa ubang babaye labi na inyong mga silingan nga lagmit iya ra sad mga higala. Kun di motuo nimo, likayi ang higayon nga maka storya ka’g laing babaye. Apan kun dili gyud malikayan kay malabyan nimo o magsugat mo, padayon unsa’y naandan nimo pagtagad sa imong mga silingan. Kun kalit nimo usbon, sila mahibulong ug imong asawa di gihapon mag urong.

Kay maski di na ka managad nila, duna gihapo’y ikaduda imong asawa. Kun buhatan gihapon ka’g istorya, ayaw tagda hangtod maluya.  Lagmit samot maglagot ug mangutana ngano’ng hilom ka. Kun di na ka kaagwanta, ingna iyang duda nakahatag nimo’g ideya. Busa aron wa ka’y mahimong dautang laraw, dili siya magsugod sa pagpamukaw. Bahari nga iya’ng duda ug pasangil, imo na lang buhaton aron di siya mahimo’ng bakakon. Lagmit mo resulta kini ngadto sa kahilom.

Tito Miguel

* * *

Alang sa inyong mga suliran nga buot ninyong patambagan kang Tito Miguel, -i-like ang Banat Hugyaw ug Banat News fb pages aron adto ninyo kana ipadala ug mogawas kini matag Lunes ug Biyernes.

TITO MIGUEL
Philstar
  • Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with