Love story
(Banat) - February 12, 2019 - 12:00am

Dear Banat News,

Maayong adlaw sa tanang readers sa  nag-unang newspaper sa Sugbo, ang Banat News. Tawga lang ko sa pangalan nga Christian, 28 years old ug nagtrabaho sa usa ka hotel.

Happy ra ko karon sa among relasyon sa akong girlfriend nga si Melyn.  Kapin na sa usa ka tuig ang among relasyon.

Nagkaila mi tungod kay nagka-uban mi sa  gitrabahoan nako sa una nga coffee shop.

Wala gyud ko naglisod kay dali ra kaayo mi nagka-developay kay susama man gud mi og hilig. Pareho mi og trip—ganahan molaag ilabi na sa nindot kaayo nga mga resort.

Nidiskarte ko niya sa dihang nanglarga mi sa Siargao  ug grabe akong kalipay kay iyaha dayon ko gisugot.

Nakaingon ko nga si  Melyn na seguro ang akong “the one”  kay  masinabtanon  kaayo siya nga pagkababaye. Sa tinuod lang, daghan kaayo ang nanguyab niya bisan kahibalo na sila nga ako  ang iyang uyab. Maong maka-proud gyud kay ako gyud ang iyang gusto ug gibalibaran niya og tarong ang ubang mga lalaki nga nidiskarte kaniya.

Bahalag ingnon ko nga hambugero ko nga pagka—uyab, guwapa gyud si Melyn  hinungdan nga   dali ra gyud ma-attract kaniya ang  ubang lalaki.

Gipasalig gyud ni Melyn nga loyal siya kanako gani iya kong pabasahon basta naay mo-chat nga lalaki sa iyaha.

Sama sa ubang mag-uyab, dili malikayan nga   mag-away pud mi. Dunay higayon nga nagtuo gyud ko nga magbuwag mi ato maong puwerti nakong hadloka.  Nasuko ko kay ni-text ang  iyang ex-boyfriend kay magkita daw sila.

Nakugang ko kay nisugot gyud siya nga magkita sila kay friendly date ra daw.  Tungod sa akong kaseloso, ako siyang gibalikas og maayo. Wala ko ka kontrol sa akong kaugalingon maong nakasulti gyud ko og dili maayong pulong.

Nasuko siya sa akong gibuhat ug  kalit siya nangayo og space. Wala siya kauyon sa  akong gipangyawyaw  kay nagpakita daw nga wala koy salig kaniya maong na-insulto siya og maayo.

Dili nako madawat nga magbuwag mi, nangayo ko og sorry niya, pero nagpaugat gihapon siya. Pag-abot og duha ka buwan, iyaha nako nga gitinggan ug nagbalik gyud mi.

Usa sa leksyon nga akong nakat-onan mao  nga kinahanglan nga ibutang gyud sa saktong lugar ang akong pagka-seloso.

Giklaro ni Melyn  nga wala na siya’y feeling sa iyang ex, maong nag-date sila kay iyaha man sad tung kababata, maong bisan buwag na sila, friends gihapon sila.  Daghan pa gyud sila niadtong nga nag-date sila busa dili ko angayan mabalaka.

Gisaad nako kang Melyn nga ako nang wagtangon ang akong pagkaseloso. Dili gyud ko gusto nga mawala siya sa akong kinabuhi.

Mo-request lang ko sa lyrics sa  Mundo  by IV Of Spades.

Hi Christian! Thank you so much sa imong LOVE STORY! Paabuta ugma puhon ang imong request

Dear HUGYAWnatics, aduna ba kamo’y LOVE STORY? Suwata ka na ug ipadala pinaagi sa pag-like sa atong bag-ong Facebook Page: Banat News Hugyaw (BNH). I-like ang atong page daan, unya i-private message ang imong LOVE STORY. Ayaw lang i-abbreviate  aron matarong og basa.

Mahimo sab nga pinaagi sa snail mail. Ang atong address mao kini:

Love Story C/o Banat News

LOVE
Philstar
  • Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

SIGN IN
or sign in with