Love story

Dear Banat News,

Maayong adlaw sa tanang suki sa Banat News. Tawga lang ko og Dina, 28 years old ug nagtrabaho sa usa ka restaurant diha sa IT Park.

Permi gyud ko mobasa og Love Story, malingaw ug kiligon gyud ko kun mobasa ko niini. Taod-taod na diay ko nga walay uyab pero taod-taod na pud ko  ka char-char ang akong ex.

Duha  ang ka char-char nako ug puros nako sila mga ex. Wala mi nagdumot sa usa’g-usa bisan pa man nga  nagkabuwag mi sa una.

Pero hugyaw kaayo ang nahitabo uy, puros man sila nakig-communicate  nako ug sweet gihapon sila kanako. Wala sila kahibawo  nga duha sila ang ka char- char nako karon.

Wala hinuon sila nakigbalik, pero ang among pagtratar sa usa’g-usa kay mura gihapon og uyab. Ang ex nako nga si Chris  kay  permi gihapon makig-date nako. Tago-tago lang mi kun mag-date  kay naa naman siya’y uyab, kuyaw na masakpan ta. Permi sad ko niya palitan sa akong mga comfort food sama sa burger ug fries. Kun masakit ko, siya gyud na ang tigpalit nako og tambal.

Ang usa nako ka ex mao si John,   bata-bataon ni siya nga pagkalalaki  apan malingaw lang ko niya kay  bugoy nga sweet ang iyang batasan. Dunay kausa, ako siya gikomedyahan nga magbalik mi sa akong ex, puwerting selos niya.  Wala’y uyab si John pero dili sad ko ganahan nga magbalik mi kay dili ko ganahan nga masakitan ko og balik. Nalingaw rako sa among istado karon nga char-char para wala’y commitment. Dili siya maka-demand nako og time kay  wala baya mi nagbalik. Kun grabe mi katago ni Chris, grabe sad mi ka-visible ni John kun mag-uban mi.

  Bisan single ko karong panahona,  nalingaw ra gihapon ko sa situwasyon nako uban ang akong mga ex.   Ang akong barkada kay nalingaw sa akong status karon.  Tawgon ko nila og “lapitin ng mga ex”.   Ambot lang sad ning mga ex nako uy,  kusog kaayo magpakilig. Maayo na lang gani kay  kahibalo ko mokontrol sa akong gibati.  Bisan char-char ang among status, ako gipaneguro nga dili ko ma-develop nila pagbalik. Dili bitaw lalim masakitan. Mo-request diay ko sa lyrics sa Someday by Nina.

Hi Dina! Thank you so much sa imong LOVE STORY! Paabuta ugma puhon ang imong request .

Dear HUGYAWnatics, aduna ba kamo’y LOVE STORY? Suwata ka na ug ipadala pinaagi sa pag-like sa atong bag-ong Facebook Page: Banat News Hugyaw (BNH). I-like ang atong page daan, unya i-private message ang imong LOVE STORY. Ayaw lang i-abbreviate  aron matarong og basa.

Mahimo sab nga pinaagi sa snail mail. Ang atong address mao kini:

 Love Story C/o Banat News